اۋىل شارۋاشىلىعىندا حالىقتىڭ تابىس كٶزٸن ارتتىراتىن 77 مىڭ تۇراقتى جۇمىس ورنى قۇرىلادى. بۇل تۋرالى بٷگٸن ٷكٸمەت وتىرىسىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ ايتتى, دەپ حابارلايدى قازاقپارات.
«بٸرقاتار وبلىستا ٸسكە اساتىن جەر سۋارۋ كەشەندەرٸن جاڭارتۋ جۇمىستارى سۋارمالى جەر كٶلەمٸن ۇلعايتىپ, حالىقتىڭ ەگٸنشٸلٸك, مال شارۋاشىلىعىمەن اينالىسۋ مٷمكٸندٸكتەرٸن كەڭەيتەدٸ. ەسەپ بويىنشا بۇل جوبالار اۋىل شارۋاشىلىعىندا بولاشاقتا حالىقتىڭ تابىس كٶزٸن ارتتىراتىن 77 مىڭ تۇراقتى جۇمىس ورنىن قۇرۋعا سەپتٸگٸن تيگٸزەدٸ», - دەدٸ مينيستر.
ونىڭ اتاپ ٶتۋٸنشە, گازبەن, سۋمەن, ەلەكتر قۋاتىمەن قامتۋ جاڭا جوبالارى تۇرعىن ٷي قۇرىلىسىنا سەرپٸن بەرۋگە, اۋىلدىقتارعا كوممۋنالدىق قىزمەتتەردٸ الۋىنا مٷمكٸندٸك جاسايدى.
«ٶڭٸرلەردە جول كارتالارىن ٸسكە اسىرۋ باستالىپ كەتتٸ. بارلىعى 6 506 جوبانىڭ ٸشٸندە 2 410 جوباسى رەسپۋبليكالىق بيۋدجەت ەسەبٸنەن ٸسكە اسىرىلادى. تيٸستٸ قاراجات بٶلٸنگەن. سول جوبالاردىڭ باسىم بٶلٸگٸ بويىنشا 1 مامىردا مەملەكەتتٸك ساتىپ الۋ كونكۋرستارى اياقتالىپ, مەردٸگەرلەر انىقتالدى. بۇل باعىتتا جامبىل, شىعىس قازاقستان, پاۆلودار, الماتى, تٷركٸستان وبلىستارى الدا كەلە جاتىر. الماتى, شىمكەنت قالالارى مەن قىزىلوردا ولبلىستارىنىڭ قارقىنى تٶمەن. 1 مامىرداعى جاعداي بويىنشا بٸرقاتار ٶڭٸردە 1265 جوبامەن جۇمىس باستالىپ كەتتٸ. 17 مىڭنان استام جۇمىس ورنى قۇرىلىپ, 10 300 جۇمىسشى قابىلداندى», - دەدٸ بٸرجان نۇرىمبەتوۆ.
