پەتروپاۆل ٸرگەسٸندەگٸ سۋ باسقان تەپليچنىي اۋىلى. 5 مامىر 2017 جىل.
سولتٷستٸك قازاقستان وبلىسىندا سۋ تاسقىنى باستالعاننان بەرٸ بارلىعى 17 ەلدٸ مەكەندە 380 ٷيدٸ سۋ باسىپ, ونىڭ 9-ى قيراعان. 5 مىڭ ساياجاي ۋچاسكەلەرٸ سۋ استىندا قالعان. قازٸرگٸ تاڭدا 234 ٷيدە سۋ تۇر. وبلىس ەكٸمٸنٸڭ ورىنباسارى انتون فەدياەۆتىڭ سٶزٸنشە, ٶتكەن دەمالىس كٷندەرٸ دالماتوۆا اۋىلىنا سۋ كەلٸپ, بٸرنەشە ٷي سۋ استىندا قالعان. سۋ باسۋدىڭ ەكٸنشٸ تولقىنىندا پريبرەجنىي, تەپليچنىي, سوكولوۆكا, بورنەۆكا جەنە بولشايا مالىشكا اۋداندارىنداعى ٷيلەر زارداپ شەككەن.
ەكٸم ورىنباسارى سۋ باسۋدىڭ ٷشٸنشٸ تولقىنى بولمايتىنىن, قازٸر ەكٸ ەۆاكۋاتسييالىق پۋنكتتە 40 ادام تۇرىپ جاتقانىن ايتتى.
تٶتەنشە جاعدايلار دەپارتامەنتٸ ماماندارىنىڭ 11 مامىر كٷنگٸ اقپاراتى بويىنشا, ەسٸل ٶزەنٸنٸڭ سەرگەەۆكا بٶگەنٸندەگٸ سۋ دەڭگەيٸ 4 سانتيمەترگە تٶمەندەگەن.
341 ٷيگە گۋمانيتارلىق كٶمەك كٶرسەتٸلدٸ. پاۆلوداردان جەتكەن گۋمانيتارلىق جٷك ەرٸكتٸلەردٸڭ جەردەمٸمەن ەۆاكۋاتسييا پۋنكتەرٸندە ورنالاسقان ادامدارعا بەرٸلٸپ جاتىر. ازىق-تٷلٸك, كيٸم, تۇرمىستىق زاتتار تٸزٸم بويىنشا وتباسىلارعا تاپسىرىلعان.
