Petropavl irgesindegi sý basqan Teplichnyi aýyly. 5 mamyr 2017 jyl.
Soltústik Qazaqstan oblysynda sý tasqyny bastalǵannan beri barlyǵy 17 eldi mekende 380 úidi sý basyp, onyń 9-y qiraǵan. 5 myń saiajai ýchaskeleri sý astynda qalǵan. Qazirgi tańda 234 úide sý tur. Oblys ákiminiń orynbasary Anton Fediaevtyń sózinshe, ótken demalys kúnderi Dalmatova aýylyna sý kelip, birneshe úi sý astynda qalǵan. Sý basýdyń ekinshi tolqynynda Pribrejnyi, Teplichnyi, Sokolovka, Bornevka jáne Bolshaia Malyshka aýdandaryndaǵy úiler zardap shekken.
Ákim orynbasary sý basýdyń úshinshi tolqyny bolmaitynyn, qazir eki evakýatsiialyq pýnktte 40 adam turyp jatqanyn aitty.
Tótenshe jaǵdailar departamenti mamandarynyń 11 mamyr kúngi aqparaty boiynsha, Esil ózeniniń Sergeevka bógenindegi sý deńgeii 4 santimetrge tómendegen.
341 úige gýmanitarlyq kómek kórsetildi. Pavlodardan jetken gýmanitarlyq júk eriktilerdiń járdemimen evakýatsiia pýnkterinde ornalasqan adamdarǵa berilip jatyr. Azyq-túlik, kiim, turmystyq zattar tizim boiynsha otbasylarǵa tapsyrylǵan.
