بٷركٸت ەسكەرتكٸشٸنٸڭ بيٸكتٸگٸ - 3 مەتر, قاناتىن جايعاندا ەنٸ - 7 مەتر بولادى. بۇل مٷسٸندٸ جاساۋعا 1999 جىلعى مەكتەپ تٷلەكتەرٸ قارجى بٶلدٸ, دەپ حابارلايدى قازاقپارات تٸلشٸسٸ.
اقتٶبە وبلىسى مۇعالجار اۋدانى قۇدايبەرگەن جۇبانوۆ اۋىلدىق وكرۋگٸنٸڭ مەكتەبٸن بٸتٸرگەن تٷلەكتەر تۋعان اۋىلىنا الىپ بٷركٸت ەسكەرتكٸشٸن سىيلادى. اۋىل حالقى دا كٶمەكتەسٸپ, نىساندى تۋريزمدٸ دامىتۋدىڭ بٸر كٶزٸنە اينالدىرۋدى ماقسات ەتٸپ وتىر.
«بۇعان دەيٸن دە اۋىلدا بٷركٸتتٸڭ ەسكەرتكٸشٸ بولدى. 80-جىلدارى ورناتىلعان مٷسٸن شٶگٸپ, قاناتى قايىرىلىپ, ٷگٸتٸلە باستاعاندا قايتا جاڭارتىلعان, بٸراق بۇزىلىپ قالدى. سۋرەتشٸ مۇرات نەبيەۆكە ۇسىنىس بەرٸپ, قايتا قالپىنا كەلتٸرۋ ۇسىنىسىن ايتقان ەدٸم, بٸراق مٷسٸن جارامسىز بولدى. جىل باسىندا 1999 جىلعى مەكتەپ تٷلەكتەرٸ اۋىل ەكٸمدٸگٸنە حابارلاسىپ, «تۋعان جەرگە تاعزىم» اكتسيياسىمەن كٶمەك بەرەتٸندەرٸن ايتتى. وسى يدەيانى ۇسىنعان كەزدە بٸردەن قولدادى. ارماتۋرا, مەتالل تورلار مەن تسەمەنتتٸ تٷلەكتەر الىپ بەردٸ. تۇعىرىن دايىنداۋ, بٷركٸتتٸڭ مٷسٸنٸن جەتكٸزۋ جۇمىستارىنا اۋىل تۇرعىندارى كٶمەكتەستٸ. ال اۋدان ەكٸمدٸگٸ بٷركٸتتٸ ورناتۋعا كران بەردٸ», - دەيدٸ قۇدايبەرگەن جۇبانوۆ اتىنداعى اۋىلدىق وكرۋگتٸڭ ەكٸمٸ كامشات ەرماعامبەتوۆ.
بٷركٸت مٷسٸنٸنٸڭ بيٸكتٸگٸ - 3 مەتر, تۇعىرىمەن ەسكەرتكٸش 4 مەتر بولدى. ال قاناتىن جايعان قۇستىڭ ەنٸ 7 مەترگە جەتەدٸ. ەسكەرتكٸشتٸڭ جالپى سالماعى - 5 توننا.
«اۋىلدا ورقاش تابيعي قورىعى بار. تۋريزمدٸ دامىتۋعا ىڭعايلى ورماندا جىرتقىش قۇستىڭ 9 تٷرٸ بار. ولار: قارا كەزقۇيرىق, كەدٸمگٸ تٸلەمٸش, جامانسارى, دالا قىرانى, بەتقاينار, ساز قۇلادىنى, شالعىن قۇلادىنى جەنە كەدٸمگٸ كٷيكەنتاي. قورىق ور, جەم جەنە تەمٸر ٶزەندەرٸ اۋداندارىندا ورنالاسقان. قىزىل كٸتاپقا ەنگٸزٸلگەن تەڭگەجاپىراق شىقشٶبٸ بار. سوندىقتان, بٷركٸت اۋىلدىڭ سيمۆولىنا اينالىپ, 10 شاقىرىم قاشىقتىققا ەسكەرتكٸش ورناتىلدى. تاياۋدا رەسپۋبليكالىق اڭشىلار مەن بالىقشىلار, ساياتشىلاردىڭ سيمپوزيۋمى ٶتتٸ. سول ٷردٸستٸ جالعاستىرىپ, ەكوتۋريزممەن كيٸز ٷي ورناتىپ, ساۋمال تۋر, جاياۋ جٷرۋ تۋرى سەكٸلدٸ بٸرنەشە باعىتتى قامتىعىمىز كەلەدٸ. كەسٸپكەرلەردٸڭ قىزىعۋشىلىعى ارتىپ كەلەدٸ», - دەيدٸ وكرۋگ ەكٸمٸ كامشات ەرماعامبەتوۆ.
