قر سىبايلاس جەمقورلىققا قارسى ٸس-قيمىل اگەنتتٸگٸنٸڭ پاراساتتىلىق دەپارتامەنتٸنٸڭ ديرەكتورى دانييار سابىرباەۆ بيىل ماگيستراتۋراعا تٷسۋ ٷشٸن تاپسىرىلاتىن ەمتيحان كەزٸندە قانداي بۇزۋشىلىقتار تٸركەلگەنٸن ايتىپ بەردٸ, دەپ حابارلايدى قازاقپارات.
«ماگيستراتۋراعا تاپسىرۋ پروتسەسٸ ايتارلىقتاي سىنعا تولى بولدى. ماگيسترانت بولعىسى كەلگەندەر جاپپاي تەلەفوندار مەن شپارگالكالاردى پايدالانۋعا تىرىستى. ەگەر بٸز اۋديتوريياعا كٸرەر كەزدە باقىلاۋدى قولعا الماعاندا... تەكسەرٸستٸڭ نەتيجەسٸندە عانا بۇل زاتتاردىڭ بەرٸ الىنىپ وتىردى. بٸر عانا مىسال كەلتٸرەيٸن: اقتٶبە قالاسىندا 120 ٷمٸتكەردەن 131 تەلەفون تەركٸلەندٸ. 12 ٷمٸتكەر سوندا دا بەرٸبٸر تەلەفونىن الىپ كٸرگەن. ابيتۋريەنتتەر قۇرمەتتٸ ەرٸپتەستەر, سٸز بەن بٸز بٸتٸرگەن ۋنيۆەرسيتەتتەردەن شىعىپ جاتىر. جوو-لار ٶكٸنٸشكە قاراي, جاس بۋىنعا نەگٸزگٸ قۇندىلىقتاردى سٸڭٸرە المادى. وسى تەجٸريبەدەن تٷيسٸنگەنٸمٸز: بٸزدٸڭ جوو-لار پاراساتتى جاستاردى تەربيەلەۋ سەكٸلدٸ ٶزٸنٸڭ تاريحي ميسسيياسىن ورىنداۋدى قويدى», - دەدٸ دانييار سابىرباەۆ بٷگٸن ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
اگەنتتٸك ٶكٸلٸ تاعى بٸرنەشە مىسال كەلتٸردٸ. ونىڭ ايتۋىنشا, مونيتورينگتٸك توپتاردىڭ, اگەنتتٸكتٸڭ ٶكٸلدەرٸ ەمتيحان تاپسىرۋشىلاردى باقىلاۋعا بەلسەنە اتسالىسقان.
«تەستٸلەۋ كەزٸندە 1021 ادام اۋديتورييادان شىعارىلدى. سالىستىرىپ كٶرٸڭٸز, ٶتكەن جىلى دەل وسىلاي 174 ادام عانا اۋديتورييادان قۋىلعان. ولاردىڭ جۇمىس نەتيجەلەرٸ جويىلدى. فاكتٸلەردٸ اتايىن: اقتٶبە وبلىسىنداعى جۇبانوۆ اتىنداعى ايماقتىق ۋنيۆەرسيتەتتٸڭ تٷلەكتەرٸ قاتارىنداعى 42 ادام ۇستالىپ, انىقتالعان چيتەرلەردٸڭ (شپارگالكامەن نەمەسە ۇيالى تەلەفونمەن ۇستالعاندار, اعىلشىننىڭ «cheat» –«الداۋ» دەگەن سٶزٸنەن) 93 پايىزىن قۇراعان. سول سەكٸلدٸ الماتى وبلىسىنداعى جەتٸسۋ مەملەكەتتٸك ۋنيۆەرسيتەتٸندە ۇستالعان چيتەرلەردٸڭ 100 پايىزى دا اتالعان ۋنيۆەرسيتەتتٸڭ تٷلەكتەرٸ بولىپ شىقتى. س.امانجولوۆ اتىنداعى شقمۋ-دا دا ٷمٸتكەرلەردٸڭ 33 پايىزى چيتەرلەر بولسا, قوستاناي مەملەكەتتٸك ۋنيۆەرسيتەتٸندە 34 ادام ۇستالدى. بۇل – جالپى تاپسىرۋشىلاردىڭ 85 پايىزى. جالپى, قوستاناي وبلىسىندا 40 ادام اۋديتورييادان قۋىلدى. پاۆلودار وبلىسىنداعى تورايعىروۆ اتىنداعى ۋنيۆەرسيتەتتە 51 چيتەر انىقتالدى. الماتىدا ەل-فارابي اتىنداعى قازۇۋ-دا 61 ادام (24 پايىزى), قازاق ۇلتتىق پەداگوگيكالىق ۋنيۆەرسيتەتتە دە 59 ادام (24 پايىز)... جالپى, الماتى قالاسى بويىنشا 251 ادام اۋديتورييادان شىعارىلدى. مۇنداي جاعداي بارلىق وتاندىق جوو-لاردا تٸركەلدٸ», - دەدٸ دانييار سابىرباەۆ.
اگەنتتٸك ٶكٸلٸ وسىعان بايلانىستى جوو باسشىلىقتارىنا ٶز ساياساتتارىن قايتا قاراۋدى ۇسىنىپ وتىر.
ەسكە سالا كەتسەك, بۇعان دەيٸن ديدار سماعۇلوۆ وسى جىلدىڭ 10-15 تامىزى ارالىعىندا ماگيستراتۋراعا تٷسۋ ٷشٸن ٶتكٸزٸلگەن كەشەندٸ تەستٸلەۋدٸڭ قورىتىندىسىن جارييالاعان بولاتىن.
