قازاقستان ٸٸم-نٸڭ سۇراۋى بويىنشا گرۋزييا استاناسى تبيليسيدە حالىقارالىق ٸزدەۋدە جٷرگەن 39 جاستاعى قازاقستاندىق ازامات ۇستالدى. قازٸر ونى قازاقستانعا ەكستراديتسييالاۋ مەسەلەسٸ قاراستىرىلىپ جاتىر, دەپ حابارلايدى ult.kz.
تەرگەۋ دەرەگٸنشە, ەر ادام اتىراۋداعى اۆتوسالونداردىڭ بٸرٸندە مەنەدجەر بولىپ جۇمىس ٸستەپ, ازاماتتاردى «كٶلٸك الىپ بەرەمٸن» دەگەن ۋەدەمەن الداپ كەلگەن. ول كليەنتتەردەن تٸكەلەي اقشا الىپ, مٸندەتتەمەسٸن ورىنداماعان.
2022 جىلدىڭ تامىزىندا ول ەكٸ اۆتوكٶلٸك ٷشٸن ساتىپ الۋشىدان 37 ميلليون تەڭگە العان. كەيٸن 2023 جىلدىڭ اقپانىندا دەل وسىنداي تەسٸلمەن تاعى ەكٸ ازاماتتى 81 ميلليون تەڭگەگە الداعان. جالپى كەلتٸرٸلگەن شىعىن 118 ميلليون تەڭگەگە جەتكەن.
بۇعان دەيٸن استانادا Land Cruiser ساتىپ الماق بولعان تۇرعىن 20 ميلليون تەڭگەسٸنەن ايىرىلعانى حابارلانعان ەدٸ.
