قر اقپارات جەنە قوعامدىق دامۋ مينيسترٸ دەۋرەن اباەۆ «100 جاڭا ەسٸم» جوباسىنىڭ جاڭا تالاپتارىن ايتىپ بەردٸ, دەپ حابارلايدى قازاقپارات.
نۇرسۇلتان نازارباەۆ «رۋحاني جاڭعىرۋ» باعدارلامالىق ماقالاسىندا ۇسىنعان بۇل جوبا بيىل ٷشٸنشٸ رەت ۇيىمداستىرىلىپ وتىر.
«جوبانىڭ ٷشٸنشٸ ماۋسىمىندا تالاپتار ازداپ ٶزگەردٸ. بٸرٸنشٸدەن, جاڭا ەسٸمدەردٸ ٸزدەۋگە الدىڭعى ماۋسىم جەڭٸمپازدارى اتسالىسادى. بۇل باستامانى جەڭٸمپازداردىڭ ٶزدەرٸ كٶتەردٸ, ولار بيۋرو100 قوزعالىسىن قۇردى. وسىلايشا, جاڭا جەڭٸمپازداردى تابۋعا كٶمەكتەسەدٸ. ەكٸنشٸدەن, جەڭٸمپازداردى ٸرٸكتەيتٸن قۇزىرلى قازىلار القاسى قۇرىلادى. ٷشٸنشٸدەن, كەز كەلگەن ادام جوباعا ٶزٸن ۇسىنا الادى. بۇعان دەيٸن ٷمٸتكەردٸ ەكٸنشٸ ادامنىڭ ۇسىنۋى مٸندەتتٸ بولعان ەدٸ. بيىل بۇل شارتتى الىپ تاستادىق», - دەپ تٷسٸندٸردٸ دەۋرەن اباەۆ «حابار» ارناسىنداعى «اشىق ديالوگ» باعدارلاماسىندا.
ونىڭ ايتۋىنشا, جوبا جەڭٸمپازدارى جەلتوقسان ايىندا ەل باسشىلىعىمەن كەزدەسۋگە قاتىسادى.
«بۇرىنعىداي ولاردىڭ ٶمٸرٸ مەن تابىسى تۋرالى فيلمدەر تٷسٸرٸلەدٸ. بۇرىنعىداي وقۋشىلارمەن جەنە ستۋدەنتتەرمەن كەزدەسۋ ۇيىمداستىرىلادى, تٷرلٸ جوبالار جاسالادى. جەنە بۇرىنعىداي, وتانداستارىمىزدىڭ ەل دامۋىنا قانداي وراسان ەڭبەك سٸڭٸرٸپ جٷرگەنٸن كٶرسەتەمٸز», - دەدٸ مينيستر.
ەسكە سالا كەتسەك, بيىلعى 30 قىركٷيەكتە «قازاقستاننىڭ 2019 جىلعى 100 جاڭا ەسٸمٸ: جاس قازاقستاندىقتاردىڭ تابىس تاريحى» جوباسىنا ٶتٸنٸمدەر قابىلداۋ باستالدى.
جوباعا قاتىسۋ ٷشٸن 100janaesim.ruh.kz سايتىنداعى ساۋالنامانى تولتىرۋ قاجەت.
.jpeg)