فوتو: Polisia.kz
اقمولا وبلىسىندا پوليتسەيلەر 100 ميلليون تەڭگەدەن اسا قارجى جىمقىرعانى ٷشٸن سوتتالدى, - دەپ حابارلايدى "ۇلت اقپارات" انتيكور باسپاسٶز قىزمەتٸنە سٸلتەمە جاساپ.
"تسەلينوگراد اۋداندىق سوتىنىڭ ٷكٸمٸمەن اقمولا وبلىسى پوليتسييا دەپارتامەنتٸ پاترۋلدٸك پوليتسييا روتاسىنىڭ كومانديرٸ, پوليتسييا پودپولكوۆنيگٸ تالعات ەردەنوۆ پەن پاترۋلدٸك پوليتسييا روتاسىنىڭ اعا ينجەنەرٸ, پوليتسييا كاپيتانى ماحسات جامانباەۆ ورتاشا قاۋٸپسٸزدٸك تٷزەۋ مەكەمەسٸندە جازاسىن ٶتەۋگە 7 جىلعا باس بوستاندىعىنان ايىرىلدى", - دەلٸنگەن حابارلامادا.
انتيكور مەلٸمەتٸنشە, تەرگەۋ بارىسىندا ەردەنوۆ پەن جامانباەۆتىڭ الدىن الا سٶز بايلاسۋ ارقىلى ججم-گە سەنٸپ تاپسىرىلعان تالونداردى جالپى سوماسى 100 ميلليون تەڭگەدەن اسا قاراجاتتى جىمقىرۋ جولىمەن ۇرلاعانى دەلەلدەنگەن.
سوتتالعاندار ٶمٸر بويىنا مەملەكەتتٸك قىزمەتتە جەنە كۆازيمەملەكەتتٸك سەكتوردا قىزمەت اتقارۋ قۇقىعىنان ايىرىلدى. ٷكٸم زاڭدى كٷشٸنە ەنگەن جوق.
