قوستانايدا ٶڭٸرارالىق باعىتتا ٸرٸ كٶلەمدەگٸ ەسٸرتكٸنٸ تاسىمالداعان 25 جاستاعى كۋرەر ۇستالدى. ودان 1,5 كەلٸدەن استام ەسٸرتكٸ تەركٸلەنٸپ, 10 مىڭنان استام بٸر رەتتٸك دوزانىڭ زاڭسىز اينالىمعا تٷسۋٸنە جول بەرٸلمەدٸ, دەپ حابارلايدى ult.kz.
Polisia.kz مەلٸمەتٸنشە, ٸشكٸ ٸستەر مينيسترلٸگٸ «زاڭ مەن تەرتٸپ» قاعيداتى اياسىندا ينتەرنەت ارقىلى ەسٸرتكٸ تاراتۋمەن اينالىساتىن زاڭسىز دٷكەندەردٸڭ قىزمەتٸن انىقتاۋ جەنە جولىن كەسۋ جۇمىستارىن جالعاستىرىپ جاتىر.
جەدەل-ٸزدەستٸرۋ ٸس-شارالارى بارىسىندا قوستاناي قالاسىندا ٶڭٸرارالىق باعىتتا ەرەكەت ەتكەن ينتەرنەت-ەسٸرتكٸ دٷكەنٸنٸڭ 25 جاستاعى كۋرەرٸ ۇستالدى. تەرگەۋ مەلٸمەتٸنشە, ول ەلٸمٸزدٸڭ ەر ٶڭٸرٸنە ٸرٸ كٶلەمدەگٸ ەسٸرتكٸ پارتييالارىن جەتكٸزٸپ, كەيٸن ولاردى جاسىرىن ورىندارعا قالدىرۋ ارقىلى تاراتقان.
كٷدٸكتٸ قىلمىسىن جاسىرۋ ٷشٸن ەسٸرتكٸلەردٸ ۆاكۋۋمدىق قاپتامالارعا وراپ, قۇرعاق سٷت قاپتارىنىڭ ٸشٸنە جاسىرعان. بۇل تەسٸل جٷكتٸ تاسىمالداۋ كەزٸندە كٷدٸك تۋعىزباۋ جەنە قۇقىق قورعاۋ ورگاندارىنىڭ انىقتاۋىن قيىنداتۋ ماقساتىندا قولدانىلعان.
تٸنتۋ بارىسىندا زاڭسىز اينالىمنان جالپى سالماعى 1,5 كەلٸدەن اساتىن مەتكاتينون پسيحوتروپتىق زاتى مەن كەپتٸرٸلگەن ماريحۋانا تەركٸلەندٸ. ساراپتاما قورىتىندىسىنا سەيكەس, بۇل كٶلەم 10 مىڭنان استام بٸر رەتتٸك دوزاعا تەڭ.
قازٸر پوليتسييا قىلمىستىق سحەمانى ۇيىمداستىرۋشىلاردى, ەسٸرتكٸ جەتكٸزۋ ارنالارى مەن ينتەرنەت-دٷكەننٸڭ جۇمىسىنا قاتىسى بار باسقا دا تۇلعالاردى انىقتاپ جاتىر.
ٸٸم ينتەرنەت ارقىلى ەسٸرتكٸ تاراتۋعا كەز كەلگەن دەڭگەيدە قاتىسۋ – ۇيىمداستىرۋشى, وپەراتور, كۋرەر نەمەسە جاسىرىن ورىندارعا ەسٸرتكٸ قالدىرۋشى بولسىن – اۋىر قىلمىس ەكەنٸن ەسكەرتتٸ. مۇنداي ەرەكەتتەر ٷشٸن زاڭناماعا سەيكەس ٶمٸر بويىنا باس بوستاندىعىنان ايىرۋعا دەيٸنگٸ جازا قاراستىرىلعان.
ۆەدومستۆو ەسٸرتكٸنٸڭ زاڭسىز اينالىمىنا قارسى كٷرەس پەن ينتەرنەت ارقىلى ەرەكەت ەتەتٸن ەسٸرتكٸ جەلٸلەرٸن انىقتاۋ جەنە جويۋ جۇمىستارى تۇراقتى تٷردە جالعاساتىنىن مەلٸمدەدٸ.
