بيىل 10 ماۋسىمدا كٷن ساقينا تەرٸزدٸ تۇتىلادى. قازاقستاندىقتار سيرەك كەزدەسەتٸن قۇبىلىستى تٷستەن كەيٸن تاماشالاي الادى, دەپ حابارلايدى "ۇلت اقپارات".
ۆ.گ.فەسەنكوۆ اتىنداعى استروفيزيكالىق ينستيتۋتىنىڭ جۇلدىزدار جەنە تۇماندىقتار فيزيكاسى زەرتحاناسىنىڭ مەڭگەرۋشٸسٸ, فيزيكا-ماتەماتيكا عىلىمدارىنىڭ كانديداتى ليۋبوۆ شەستاكوۆانىڭ ايتۋىنشا, 2021 جىلى كٷننٸڭ تٶرت تۇتىلۋى بولادى. ولاردىڭ تەك بٸرەۋٸ عانا كٶرٸنەدٸ.
«كٷننٸڭ تۇتىلۋىن ەرتەڭ بايقاۋعا بولادى. بۇل قۇبىلىس ساقينا تەرٸزدٸ بولادى. بۇل - ٶتە سيرەك كەزدەسەتٸن جەنە تاڭعاجايىپ وقيعا. كٷن تۇتىلۋ بەلدەۋٸ سولتٷستٸك امەريكا, سولتٷستٸك مۇزدى مۇحيت, رەسەيدٸڭ سولتٷستٸك-شىعىس بٶلٸگٸ ارقىلى ٶتەدٸ. قازاقستان اۋماعىندا تۇتىلۋدىڭ تەك جەكەلەگەن فازالارى عانا كٶرٸنۋٸ مٷمكٸن. ياعني, ەلدٸڭ سولتٷستٸك-شىعىس وبلىستارىندا پاۆلودار, پەتروپاۆل, ٶسكەمەن, سەمەي قالالارىندا انىق بايقالادى», - دەدٸ ول.
نۇر-سۇلتاندا كٷننٸڭ تۇتىلۋى ساعات 17.15-تە باستالىپ 19.03-تە اياقتالادى. بۇل قۇبىلىس شامامەن ساعات 18:11 كەزٸندە انىق كٶرٸنەدٸ.
الماتىدا كٷننٸڭ تۇتىلۋىن 17:44-تەن باستاپ, 19:05-كە دەيٸن تاماشالاۋعا بولادى. ەسٸرەسە 18:26 شاماسىندا بۇل قۇبىلىس انىعىراق بايقالادى.
بيىل 4 جەلتوقساندا كٷن تاعى تۇتىلۋى مٷمكٸن. بٸراق ونى تەك انتاركتيدا مەن ونىڭ اينالاسىنان عانا كٶرۋگە بولادى.
