رەسەي گازىن گەرمانيياعا جەتكٸزەتٸن Nord Stream 2 گاز قۇبىرىنىڭ سالىنۋى قايتا جالعاستى. بۇل تۋرالى 11 جەلتوقسان كٷنٸ جوبا مەنەدجەرلەرٸ مەلٸمدەدٸ.
مەلٸمدەمەدە رەسەيلٸك "فورتۋنا" كەمەسٸنٸڭ قۇبىردىڭ بالتىق تەڭٸزٸنٸڭ گەرمانيياعا تيەسٸلٸ بٶلٸگٸندەگٸ 2,6 شاقىرىمدىق بٶلٸگٸن سالىپ جاتقانى حابارلاندى.
دەل وسى كٷنٸ گەرمانييانىڭ سۋ جولدارى جەنە كەمە قاتىناسى باسقارماسى تەڭٸزشٸلەرگە قۇرىلىس ايماعىن اينالىپ ٶتۋ كەرەك ەكەنٸن حابارلادى. باسقارما قۇبىر سالىناتىن ايماقتا بالىق ۇستاۋعا نە زەكٸر تاستاۋعا تىيىم سالدى.
رەسەي گازىنىڭ گەرمانيياعا تاسىمالىن ەكٸ ەسە ارتتىرۋى تيٸس 11 ميلليارد دوللارلىق بۇل گاز قۇبىرىنىڭ سالىنۋى 2019 جىلدىڭ سوڭىندا اقش سانكتسيياسىنان كەيٸن توقتاپ قالعان. ۆاشينگتون گاز قۇبىرىن سالۋعا قاتىسى بار كومپانييالاردىڭ مٷلكٸن بۇعاتتاپ, ۆيزا شەكتەۋٸن ەنگٸزەتٸنٸن مەلٸمدەگەن.
اقش پرەزيدەنتٸ دونالد ترامپتىڭ ەكٸمشٸلٸگٸ گەرمانييانى جەنە ەۋروپانىڭ بٸرقاتار ٶزگە ەلٸن رەسەي جانار-جاعارمايىنا تەۋەلدٸ بولىپ بارادى دەپ قاتاڭ سىنادى. پولشا, ۋكراينا جەنە بالتىق ەلدەرٸ دە گاز قۇبىرىنا قارسىلىق بٸلدٸرٸپ, مەسكەۋ بۇل قۇبىردى ساياسي قىسىم كٶرسەتۋشٸ ٷشٸن پايدالانادى دەدٸ.
اقش-تىڭ بەرليندەگٸ ەلشٸلٸگٸ 5 جەلتوقسان كٷنٸ گەرمانييا ٷكٸمەتٸن گاز قۇبىرىن سالۋدى توقتاتۋعا شاقىردى.
"گەرمانييا مەن ەۋرووداق قۇبىردىڭ قۇرىلىسىنا موراتوريي جارييالاۋعا شاقىرۋى تيٸس" - دەدٸ 5 جەلتوقسان كٷنٸ ەلشٸلٸك ٶكٸلٸ روبين كۋينۆيلل (حانىم) Handelsblatt گازەتٸنە بەرگەن سۇحباتىندا.
گاز قۇبىرى جوباسىنداعى نەگٸزگٸ ٷلەس رەسەيدٸڭ مەملەكەت باقىلاۋىنداعى "گازپروم" كومپانيياسىنا تيەسٸلٸ. جوباعا Shell بريتان-نيدەرلاند مۇناي كومپانيياسى, گەرمانييانىڭ Wintershall جەنە Uniper groups, فرانتسييانىڭ Engie, اۆسترييانىڭ OMV كومپانييالارى دا قاتىسىپ جاتىر.
قۇبىردىڭ تەڭٸزدٸڭ گەرمانيياعا قاراستى بٶلٸگٸندەگٸ 16 شاقىرىلىمى, دانيياعا قاراستى بٶلٸگٸندەگٸ 60 شاقىرىمى ەلٸ تٶسەلمەگەن.
Nord Stream 2 گاز قۇبىرىن 2020 جىلدىڭ باسىنا قاراي اياقتاۋدى كٶزدەگەن رەسەي اقش-تى ەنەرگەتيكالىق سانكتسييانى ٶزٸنٸڭ گازى مەن مۇنايىن كٶبٸرەك ٶتكٸزۋ ٷشٸن "قارۋ" رەتٸندە پايدالانىپ وتىر دەپ ايىپتادى.
اقش سانكتسيياسىنان كەيٸن رەسەي پرەزيدەنتٸ قۇبىردىڭ 2021 جىلدىڭ باسىنا قاراي اياقتالاتىنىنا ٷمٸتتٸ ەكەنٸن ايتتى.
Nord Stream 1 گاز قۇبىرى 2011 جىلى ٸسكە قوسىلدى.
