2020 جىلعى 1 شٸلدەدە قازاقستاندا «جاس وتباسى» جاڭا تۇرعىن ٷي باعدارلاماسى ٸسكە قوسىلدى. بۇل تۋرالى PrimeMinister.kz-كە بەرگەن سۇحباتىندا «قازاقستاننىڭ تۇرعىن ٷي قۇرىلىس جيناق بانكٸ» اق باسقارما تٶرايىمى لەززات يبراگيموۆا ايتىپ بەردٸ.
«قۇرىلعانىنا ٷش جىل تولماعان جاس وتباسىلار دەپوزيت اشىپ, بٸردەن تۇرعىن ٷي قۇنىنىڭ 50%-ىن سالا الادى, سوندا يپوتەكا تٶمەندەتٸلگەن مٶلشەرلەمەمەن رەسٸمدەلەدٸ. بٸزدە نەگٸزٸنەن 8,5%, ال جاس وتباسىلار ٷشٸن ارنايى 6% بەلگٸلەدٸك. سۇرانىس ٶتە جوعارى, بٸر ايدا 1,5 مىڭعا جۋىق دەپوزيت اشىلدى», — دەپ حابارلادى ل. يبراگيموۆا.
ونىڭ ايتۋىنشا, قازٸر جاس وتباسىنىڭ جاسىن 3 جاستان 5 جاسقا دەيٸن ارتتىرۋ مەسەلەسٸ قاراستىرىلىپ جاتىر.
«قازٸر كٶپتەگەن وتباسىلار: “نەگە 3 جىل? 5 جىل دا جاس وتباسى ٷشٸن ۇزاق ۋاقىت ەمەس. بٸزدٸ دە قولداڭىزدار” دەپ جازىپ جاتىر. بٸز بۇل ۇسىنىستاردى قاراستىرامىز. سوندىقتان بٸز ٷشٸن وتباسى بانك ترانسفورماتسيياسى تەك قاعاز جٷزٸندە عانا ەمەس, ٸس جٷزٸندە ورىندالعانى ٶتە ماڭىزدى. بٸز بارلىق وتباسىلار ٷشٸن ماماندىققا, ەلەۋمەتتٸك مەرتەبەگە قاراماستان, تەڭ قولجەتٸمدٸ بولعانىن قالايمىز», — دەدٸ ول.
تابىسى تٶمەن ەربٸر وتباسى تٶمەن مٶلشەرلەمەمەن يپوتەكا الۋعا ٷمٸتكەر بولۋى قاجەت.
«وسى قاعيدالاردى ەنگٸزەمٸز, بٸز جىل سوڭىنا دەيٸن يندۋسترييا جەنە ينفراقۇرىلىمدىق دامۋ مينيسترلٸگٸمەن بٸرگە, ٷكٸمەتتٸڭ قولداۋىمەن زاڭنامالىق باستامالاردىڭ ٷلكەن توپتاماسىن ٸسكە اسىرىپ, قوعامعا تٷسٸندٸرەتٸن بولامىز, سودان كەيٸن تولىق دايىن بولعاندا جەنە وتباسى بانكٸنٸڭ اتالعان جوعارى ستاتۋسىنا ساي بولعان سەتتە بٸز قايتا اتاۋ پروتسەسٸن قولعا الامىز», — دەپ اتاپ ٶتتٸ ل. يبراگيموۆا.
جىلجىمايتىن مٷلٸك نارىعىنا كەلەر بولساق, بۇل قوعامدا كٶپ تالقىلانىپ جاتقان ٶزەكتٸ مەسەلە.
«كارانتيننەن كەيٸن بٸز بارلىق يپوتەكاعا دەگەن قىزىعۋشىلىقتىڭ ارتقانىن بايقادىق. ماۋسىم ايىندا بٸز 5 مىڭنان استام قارىز بەردٸك. بۇل ناۋرىز, سەۋٸر جەنە مامىردان باستاپ كەيٸنگە قالدىرىلعان سۇرانىس. شٸلدە ايىندا دا سۇرانىس اسا جوعارى بولدى. بٸز سونداي-اق “باقىتتى وتباسى”, “ەسكەري باسپانا” باعدارلامالارىن ٸسكە اسىرىپ جاتىرمىز, “5-10-20” ٶتٸنٸمدەرٸن قاراۋدى تولىقتاي تامىز ايىنان باستايمىز. ايتا كەتەرلٸگٸ, ەليتالىق تۇرعىن ٷي نارىعىندا باعانىڭ تٶمەندەۋٸ بايقالادى, ٶيتكەنٸ ٶتە ٷلكەن قىمبات پەتەرلەرگە دەگەن سۇرانىس تٶمەن. مەنٸڭ ويىمشا, قايتالاما تۇرعىن ٷي نارىعىندا باعا تٶمەندەۋٸ مٷمكٸن, ٶيتكەنٸ وندا بەرٸ ساتۋ جىلدامدىعىنا بايلانىستى, ياعني, ەگەر سٸز قىمبات باعاعا ساتقىڭىز كەلسە, وندا سٸز ۇزاق ۋاقىت جٷرٸپ قالاسىز», — دەپ تٷسٸندٸردٸ ل. يبراگيموۆا.
ونىڭ ايتۋىنشا, بٷگٸنگٸ تاڭدا قازاقستاندا جىلجىمايتىن مٷلٸك باعاسىنىڭ ٶسۋٸنە ىقپال ەتەتٸن ەشقانداي فاكتورلار جوق. سونىمەن قاتار ۇزاق مەرزٸمدٸ پەرسپەكتيۆادا سۇرانىس جوعارى بولادى, ٶيتكەنٸ جاستار سانى ٶسۋدە.
