2021 جىلعى 1 سەۋٸردەن باستاپ تاڭبالانۋى مٸندەتتٸ تەمەكٸ ٶنٸمدەرٸنٸڭ تٸزٸمٸ ۇزارتىلادى. بۇل تۋرالى تولىعىراق قر قارجى مينيسترلٸگٸ مەملەكەتتٸك كٸرٸستەر كوميتەتٸنٸڭ مەملەكەتتٸك قىزمەتتەردٸ كٶرسەتۋ دەپارتامەنتٸنٸڭ ديرەكتورى باقىتگٷل قازاقباەۆا ايتىپ بەردٸ, دەپ حابارلايدى قازاقپارات.
«قارجى مينيسترلٸگٸ تسيفرلاندىرۋ شەڭبەرٸندە كٶلەڭكەلٸ ەكونوميكانىڭ ٷلەسٸن ازايتۋعا باعىتتالعان بٸرقاتار شارانى قولعا العان ەدٸ. بۇل رەتتە تاۋارلاردى تاڭبالاۋ جٷيەسٸ - ماڭىزدى باعىتتاردىڭ بٸرٸ. قازاقستاندا تاۋارلاردى تاڭبالاۋ تەرتٸبٸ مٸندەتتٸ. ونى ەنگٸزۋ پروتسەسٸ بارىسىنا ٶندٸرۋشٸ, يمپورتەر, ديستريبيۋتور مەن بٶلشەكتٸك ساۋدا ٶكٸلٸ قاتىسادى. تاۋاردى تاڭبالاۋ ەكٸ كەزەڭ بويىنشا جٷرگٸزٸلەدٸ: بٸرٸنشٸسٸنە 2020 جىلعى 1 قازاننان باستاپ ٶتتٸك. ول بويىنشا فيلترسٸز جەنە فيلترلٸ تەمەكٸلەر تاڭبالانادى. 2021 جىلعى 1 سەۋٸردەن باستاپ بٸز تاڭبالاۋدىڭ ەكٸنشٸ كەزەڭٸنە ٶتەمٸز. ول جەردە سيگارەتتەردٸ, سيگاريللالاردى, ەلەكتروندى تەمەكٸلەرگە ارنالعان سۇيىقتىقتار جەنە وسىعان قاتىستى تاعى باسقا تاۋارلار دا تاڭبالاۋعا جاتقىزىلادى», - دەدٸ باقىتگٷل قازاقباەۆا ورتالىق كوممۋنيكاتسييالار قىزمەتٸ الاڭىندا ٶتكەن باسپاسٶز مەسليحاتىندا.
ونىڭ ايتۋىنشا تەمەكٸ ٶنٸمدەرٸ لەگٸن تاڭبالاۋ ارقىلى زاڭسىز تاۋار ايلانىمىن قىسقارتۋعا بولادى. بٸرٸنشٸدەن, تۇتىنۋشىلار ٷشٸن بۇل تەرتٸپ ٶنٸمنٸڭ قاۋٸپسٸزدٸگٸنە كەپٸلدٸك بەرسە, ٶندٸرۋشٸلەر مەن كەسٸپكەرلەر ٷشٸن زاڭدى بەسەكەلٸ ورتانى قالىپتاستىرادى. وسىلايشا سالىقتان تٷسكەن قاراجاتتىڭ ەسەبٸنەن بيۋدجەتكە تٷسەتٸن كٸرٸس كٶلەمٸ دە ۇلعايادى.
«ەندٸ تسيفرلىق تاڭبا تۋرالى ايتا كەتەيٸن. Data matrix, ياعني تسيفرلى تاڭبا قاعاز جٷزٸندەگٸ اكتسيزدٸ تاڭبانىڭ ورنىن الماستىرادى. ٶندٸرۋشٸلەر مەن يمپورتەرلەر تەمەكٸنٸڭ ەربٸر قورابىنا Data matrix كودىن ەنگٸزەدٸ. ول كودتا ٶندٸرۋشٸلەر تۋرالى مەلٸمەت, سەرييالىق نٶمٸرٸ مەن تەكسەرۋشٸ كودى بەلگٸلەنگەن. دٷكەندەر تەمەكٸنٸ ساتقان كەزدە كاسسير Data matrix-تٸ سكانەرلەپ, تەمەكٸنٸڭ ساتىلعانى تۋرالى اقپارات وفد-عا جٶنەلتٸلەدٸ. وفد-دان اقپارات تاۋارلاردىڭ تاڭبالانۋىن باقىلايتىن اقپاراتتىق جٷيەگە جٶنەلتٸلەدٸ», - دەدٸ ول.
