قر ٷكٸمەتٸنٸڭ وتىرىسىندا جاڭا وقۋ جىلىنىڭ باستالۋىنا دايىندىق تۋرالى قر بٸلٸم جەنە عىلىم مينيسترٸ ا. ايماعامبەتوۆ باياندادى.
قر بعم جەرگٸلٸكتٸ اتقارۋشى ورگاندارمەن بٸرلەسٸپ وقۋلىقتارمەن قامتاماسىز ەتۋ, بٸلٸم بەرۋ نىساندارىن پايدالانۋعا بەرۋ, بالالاردى تاسىمالداۋدى ۇيىمداستىرۋ بويىنشا جۇمىستار جٷرگٸزٸپ جاتىر.
مەكتەپكە دەيٸنگٸ ۇيىمدار جەلٸسٸ 279 بٸرلٸككە ۇلعايدى جەنە كونتينگەنتٸ 906,5 مىڭ بالا بولاتىن 10 593 مەكەمەنٸ قۇرايدى. جەكەمەنشٸك بالاباقشالار ٷلەسٸ ارتتى - 37,9%, بۇل ٶتكەن جىلمەن سالىستىرعاندا 1,6%-عا كٶپ.
جاڭا وقۋ جىلىندا مەكتەپتەر 3 ملن اسا بالانى قابىلداۋدى جوسپارلاپ وتىر. 1 سىنىپقا 405 مىڭنان اسا بالا بارادى, بۇل ٶتكەن جىلعى كٶرسەتكٸشتەن 20 مىڭعا ارتىق. جاڭا باعدارلاما بويىنشا 4, 9, 10 سىنىپتار وقيتىن بولادى, كەلەسٸ جىلى 11 سىنىپ وقيدى. وسىلايشا, تولىق كٶشۋ اياقتالادى.
ا. ايماعامبەتوۆ اتاپ ٶتكەندەي, وقۋلىقتار ساپاسىن قامتاماسىز ەتۋ بويىنشا جۇمىستار جالعاسىپ جاتىر. بيىل «جەڭٸل پورتفەل» جوباسى جٷزەگە اسىرىلادى. ا.ج. 1 قىركٷيەكتەن باستاپ وقۋشىلار مەن اتا-انالار ەلەكتروندى وقۋلىقتاردى قر بٸلٸم جەنە عىلىم مينيسترلٸگٸنٸڭ سايتىنان جٷكتەپ الا الادى. باسپالاردان وقۋلىقتاردىڭ تيەلۋٸنە كٷن سايىن باقىلاۋ جٷرگٸزٸلەدٸ.
«1 قىركٷيەككە قاراي بارلىق وقۋلىق ەربٸر مەكتەپكە 100% جەتكٸزٸلۋٸ تيٸس. ەكٸمدٸكتەر بۇل مەسەلەنٸ كٷندەلٸكتٸ باقىلاۋعا الۋلارى كەرەك», - دەدٸ ا. ايماعامبەتوۆ.
ەلٸمٸزدە 6678 مەكتەپتە اعىمداعى جٶندەۋ جۇمىستارى جٷرگٸزٸلدٸ, 129 مەكتەپتە كٷردەلٸ جٶندەۋ جۇمىستارى اياقتالدى, 194 مەكتەپتە جٶندەۋ جۇمىستارى جالعاسۋدا.
قازٸر رەسپۋبليكالىق بيۋدجەت ەسەبٸنەن 115 مەكتەپ سالىنىپ جاتىر, ونىڭ ٸشٸندە 57-سٸ بيىل پايدالانۋعا بەرٸلەدٸ, جەرگٸلٸكتٸ بيۋدجەت ەسەبٸنەن 79 مەكتەپ سالىنۋدا.
«جەكەمەنشٸك مەكتەپتەردە جان باسىنا شاققانداعى قارجىلاندىرۋدى ەنگٸزۋ بويىنشا جۇمىستار باستالدى. جان باسىنا شاققانداعى قارجىلاندىرۋدى ەنگٸزگەنگە دەيٸن 121 جەكەمەنشٸك مەكتەپ بولسا, قازٸر ولاردىڭ سانى 146-عا جەتتٸ. 2019 جىلدىڭ قاڭتار ايىنان رەسپۋبليكالىق بيۋدجەتتە ەلٸمٸزدەگٸ بارلىق جۇمىس ٸستەپ تۇرعان جەكەمەنشٸك مەكتەپتەردە مەملەكەتتٸك تاپسىرىس ورنالاستىرۋ قاراستىرىلعان», — دەدٸ بٸلٸم جەنە عىلىم مينيسترٸ.
مەملەكەتتٸك تاپسىرىس 22 310 وقۋشى ورىندىق 80 جەكەمەنشٸك مەكتەپكە ورنالاستىرىلدى.
ا.ج. 1 تامىزداعى جاعداي بويىنشا 8 636 ورىندىق 25 جەكەمەنشٸك مەكتەپ اشىلدى, جىل سوڭىنا دەيٸن 5845 ورىندىق تاعى 23 مەكتەپ اشىلادى. 25 637 بالانى مەكتەپكە جەتكٸزۋ ٷشٸن 918 بٸرلٸك اۆتوكٶلٸك پايدالانىلادى. 2019 جىلى 49 جاڭا اۆتوبۋس ساتىپ الىندى.
ەلٸمٸزدە كونتينگەنتٸ 488,7 مىڭ ادام بولاتىن 821 كوللەدج بار. وقۋ جىلىنىڭ باسىنا قاراي جاتاقحانالاردا 1085 ورىن پايدالانۋعا بەرٸلەدٸ.
