1 قىركٷيەكتەن باستاپ بٸرنەشە ٶڭٸردە تۇتىنۋشىلار ٷشٸن ەلەكتر قۋاتىنىڭ تاريفٸ قىمباتتايدى, دەپ حابارلايدى قازاقپارات.
«جۋىقتا عانا ەلەكتر قۋاتىن ٶندٸرۋشٸ ستانسالار ٷشٸن تاريف قىمباتتاتىلاتىن بولاتىن. سالدارىنان ەلەكتر قۋاتىنىڭ تاريفٸ قىمباتتاۋى مٷمكٸن بە? تۇتىنشۋىلار ٷشٸن تاريف قالاي ٶزگەرۋٸ مٷمكٸن? ورتالىق كوممۋنيكاتسييالار قىزمەتٸندە ٶتكەن بريفينگٸدە تابيعي مونوپولييالاردى رەتتەۋ كوميتەتٸ تٶراعاسىنىڭ مٸندەتٸن اتقارۋشىسى اسحات جاپساربايعا وسىنداي ساۋال قويىلدى.
«شىنىمەن دە, ەنەرگەتيكا مينيسترلٸگٸ ەلەكتر قۋاتىن ٶندٸرۋشٸ ۇيىمدار ٷشٸن تاريفتٸ ورتا ەسەپپەن 15 پايىزعا كٶتەرگەن بولاتىن. قاراپايىم ەلەكتر تۇتىنۋشىلارعا ونىڭ ەسەرٸ قانداي بولاتىنىنا كەلسەك, قازٸر بۇل مەسەلە پىسىقتالىپ جاتىر. ورتا ەسەپپەن تاريف 7,2 پايىزعا ٶسەدٸ. ياعني ٶڭٸرلەر اراسىندا ايىرماشىلىق بولادى. بۇل تاريفتٸ كٶتەرگەن كەزدە قاراپايىم حالىققا ەسەر ەتپەيتٸندەي ەتٸپ ٶتكٸزۋگە تىرىسامىز. ياعني سارالانعان تاريف بەلگٸلەيمٸز. وسىنىڭ ارقاسىندا قاراپايىم حالىققا اۋىر تيمەيتٸندەي تاريف بەكٸتٸلەدٸ دەپ ٷمٸتتەنەمٸز», - دەدٸ كوميتەت باسشىسى.
ونىڭ ايتۋىنا قاراعاندا, 1 قىركٷيەكتەن باستاپ بٸرنەشە ٶڭٸردە تاريف جوسپار بويىنشا كٶتەرٸلمەك.
«تاريف شامامەن 1 قىركٷيەكتەن باستاپ كٶتەرٸلەدٸ. ەلەكتر ٶندٸرۋشٸلەرٸ ٷشٸن تاريف 1 سەۋٸردەن باستاپ كٶتەرٸلگەن بولاتىن. 1 شٸلدەدە تاريفتەردٸڭ بٸر بٶلٸگٸن كٶتەردٸك. باياندامادا 7 پايىز دەپ ايتقانىم وسى بولاتىن. 1 قىركٷيەكتەن باستاپ تاريف كٶتەرٸلٸپ ٷلگەرمەگەن ٶڭٸرلەردە ٶزگەرٸس بولادى. سوندا رەسپۋبليكا بويىنشا ورتا ەسەپپەن 3,5 پايىز بولۋى كەرەك», - دەدٸ اسحات جاپسارباي.
