دەستٷرلٸ بٸلٸم كٷنٸن ٶتكٸزۋ تۋرالى ەدٸستەمەلٸك ۇسىنىستار بٸلٸم باسقارماسىنا جەنە مەكتەپ ديرەكتورلارىنا جٸبەرٸلدٸ. بۇل تۋرالى بٸلٸم مينيسترٸ اسحات ايماعامبەتوۆ ايتتى, دەپ حابارلايدى "ۇلت اقپارات" قر بعم باسپاسٶز قىزمەتٸنە سٸلتەمە جاساپ.
ونىڭ ايتۋىنشا, مەرەكەلٸك شارالاردىڭ ەكٸ فورماتى قاراستىرىلعان. «كەزەكشٸ سىنىپتاردىڭ» وقۋشىلارى ٷشٸن مۇعالٸمدەر كابينەتتەردە سىنىپ ساعاتتارىن ٶتكٸزەدٸ. ال كەيبٸر وقۋشىلار ٷشٸن «قاشىقتان», ياعني ونلاين.
«ەدەتتە قالاي بولۋشى ەدٸ. 1 قىركٷيەكتە بالالار مەكتەپكە كەلۋشە ەدٸ, سالتاناتتى جالپى مەكتەپتٸك جيىن بولىپ, ودان كەيٸن بالالار سىنىپ ساعاتتارىن ٶتكٸزگەن سىنىپتارعا باراتىن. بۇل جاعدايدا وسى فورماتتا جالپى مەكتەپٸشٸلٸك جيىننىڭ قاجەتٸ جوق. ەر سىنىپتا سىنىپ ساعاتتارى بولادى. ەگەر بالالار كٷندٸزگٸ بٶلٸمدە وقيتىن بولسا, مۇعالٸم بالالارىمەن سىنىپ ساعاتىن جەنە بارلىق قاجەتتٸ شارالاردى ٶتكٸزەدٸ. ال ەگەر وقۋشىلار قاشىقتان وقيتىن بولسا, وندا 1 قىركٷيەكتە سىنىپ ساعاتىن ٶتكٸزۋ ٷشٸن مەكتەپكە كەلۋدٸڭ ارنايى قاجەتتٸلٸگٸ جوق. ولار ٷشٸن بارلىعى قاشىقتىقتان ۇيىمداستىرىلادى», - دەپ جاۋاپ بەردٸ مينيستر.
