Dástúrli Bilim kúnin ótkizý týraly ádistemelik usynystar bilim basqarmasyna jáne mektep direktorlaryna jiberildi. Bul týraly Bilim ministri Ashat Aimaǵambetov aitty, dep habarlaidy "Ult aqparat" QR BǴM baspasóz qyzmetine silteme jasap.
Onyń aitýynsha, merekelik sharalardyń eki formaty qarastyrylǵan. «Kezekshi synyptardyń» oqýshylary úshin muǵalimder kabinetterde synyp saǵattaryn ótkizedi. Al keibir oqýshylar úshin «qashyqtan», iaǵni onlain.
«Ádette qalai bolýshy edi. 1 qyrkúiekte balalar mektepke kelýshá edi, saltanatty jalpy mekteptik jiyn bolyp, odan keiin balalar synyp saǵattaryn ótkizgen synyptarǵa baratyn. Bul jaǵdaida osy formatta jalpy mektepishilik jiynnyń qajeti joq. Ár synypta synyp saǵattary bolady. Eger balalar kúndizgi bólimde oqityn bolsa, muǵalim balalarymen synyp saǵatyn jáne barlyq qajetti sharalardy ótkizedi. Al eger oqýshylar qashyqtan oqityn bolsa, onda 1 qyrkúiekte synyp saǵatyn ótkizý úshin mektepke kelýdiń arnaiy qajettiligi joq. Olar úshin barlyǵy qashyqtyqtan uiymdastyrylady», - dep jaýap berdi ministr.
