2019 جىلدىڭ 1 قاڭتارىنان باستاپ ابونەنتتٸك قۇرىلعىلاردى مٸندەتتٸ تٸركەۋ ەرەجەسٸ كٷشٸنە ەنەدٸ. بۇل تۋرالى قر ٸشكٸ ٸستەر مينيسترلٸگٸنٸڭ رەسمي ٶكٸلٸ الماس سادۋباەۆ ايتتى, دەپ حابارلايدى قازاقپارات تٸلشٸسٸ.
«2019 جىلدىڭ 1 قاڭتارىنان باستاپ IMEI-كود + SIM-كارتا + تۇلعا جسن-نٸ سىزباسى بويىنشا ابونەنتتٸك قۇرىلعىلاردى مٸندەتتٸ تٸركەۋ ەرەجەسٸ كٷشٸنە ەنەدٸ. تٸركەلمەگەن ابونەنتتەرگە بايلانىس قىزمەتٸ كٶرسەتٸلمەيدٸ. وسىعان بايلانىستى ازاماتتار اعىمداعى جىلدىڭ سوڭىنا دەيٸن ٶزدەرٸنٸڭ بايلانىس قۇرىلعىلارىن تٸركەۋلەرٸ قاجەت», - دەدٸ الماس سادۋباەۆ.
وسى رەتتە ٸٸم رەسمي ٶكٸلٸ ۇيالى بايلانىس وپەراتورلارىنىڭ فيليالدارىندا ٷلكەن كەزەك بولىپ, قوعامدا دٷربەلەڭ تۋماۋى ٷشٸن ازاماتتارعا قۇرىلعىلارىن دەر ۋاقىتىندا تٸركەۋگە كەڭەس بەرەدٸ.
«بۇل ەڭ الدىمەن ازاماتتاردىڭ مٷددەسٸن قورعاۋ ٷشٸن جاسالىپ وتىر. ەگەر بٸر ادامنىڭ تەلەفونى تٸركەگەننەن كەيٸن ۇرلاناتىن بولسا, وندا بازا ارقىلى ونى كٸم پايدالاناتىندىعىن انىقتاۋعا بولادى. بۇعان قوسا, بايلانىس وپەراتورلارى دا بازادا قۇرىلعىنىڭ IMEI-كودى ۇرلانعان رەتٸندە كٶرسەتٸلٸپ تۇرسا بايلانىسقا توسقاۋىل قويۋ مٷمكٸندٸگٸن الادى», - دەدٸ ول.
