Түркістан облысының Төле би ауданындағы Майбұлақ ауылында өзен суы арнасынан асып кетті. Нөсер жауынның салдарынан көтерілген «Нұр-ата» өзенінің суы арнасынан асып орталық көшедегі көпірді шайып кете жаздаған, деп хабарлайды "Ұлт ақпарат".
Аудан әкімдігінің мәліметінше, 5 мамыр күні сағат 14:30 шамасында шамадан тыс жауған жаңбыр салдарынан аққан ағаштар көпірдің тіректеріне кептелісіп қалған. Жиналған су көпірдің бетіне шығып, тасыған.
«Осы жағдайға орай аудан әкімі Бауыржан Омарбековтің бастамасымен құрылған жұмыс тобы елдімекенге барып, өзен суының деңгейін көріп қайтты. Қауіптің алдын-алу мақсатында төтенше жағдайлар қызметі мен ауыл тұрғындары жұмыла бірлесіп, көпірді жедел тазартты. Сонымен қатар «Нұр-ата» өзенінің бойын тазалауға арнайы техникалар жұмылдырылды. Қазіргі таңда елдімекенге төнген қауіп жоқ» делінген хабарламада.
1626 рет оқылды
