Фото: Tengrinews.kz/Турар Казангапов
Боксшы Серік Сәпиев қазақстандықтардан балуан Зелімхан Мұсихановпен болған жанжалды ұмытуды сұрады, - деп хабарлайды Massaget.kz сайты Tengri Sport порталына сілтеме жасап.
Бұған дейін БАҚ-та Серік Сәпиев пен Зелімхан Мұсихановтың арасындағы жанжалдан кейін "жас балуан спорт колледжінен, ал оның отбасы мүшелері жұмыстан шығарылды" деген ақпарат тарады. Кейін балуанның оқудан шығарылғаны туралы ақпарат жоққа шығарылды.
Tengri Sport редакциясы Серік Сәпиевке хабарласып, жағдайға пікір білдіруді сұрады.
"Мен бұл туралы бірінші рет естіп тұрмын. Оның отбасына қатысты ақпаратты да растай алмаймын. Мен кез келген қысымға қарсымын. Халқымыз бұл жағдайды ұмытса екен деймін. Оқиға аяқталды. Спорт - эмоция, кез келген бәсекелестіктің қалыпты бөлігі. Бұл жастарға тек сәттілік тілеймін", - деді боксшы.
871 рет оқылды
