сурет ашық дереккөзден алынды
Ақмола облысында ұрланған көліктерді Ресейден Қазақстанға заңсыз әкеліп, тіркеумен айналысқан үш ер адам ұсталды, - деп хабарлайды "Ұлт ақпарат" Қаржылық мониторинг агенттігінің баспасөз қызметіне сілтеме жасап.
"ҚМА облыстық департаменті 2020-2021 жылдар аралығында Ресей Федерациясынан Қазақстанға заңсыз жолмен көлік құралдарын әкелген азаматтардың әрекетін әшкереледі.
Аталған тұлғалар алдын ала келісім бойынша іздеудегі көліктерді Ресей Федерациясының аумағында сатып алып, кейіннен оларға жалған құжаттар жасаған. Соның негізінде шекарадан іс жүзінде өтпей, Қазақстан аумағында тіркеген. Құжаттарды және мемлекеттік тіркеу нөмірін алған соң, шекарадан өтіп, сатып отырған" - делінген хабарламада.
Сот үкімімен үш азамат 8, 7 және 6 жылға бас бостандығынан айырылды. Үкім заңды күшіне енген жоқ.
674 рет оқылды
