Қазақстандық кәсіпқой боксшы, Олимпиада чемпионы Данияр Елеусіновтің кезекті жекпе-жегін "Хабар" арнасы тікелей эфирден көрсетеді.
Данияр Елеусіновтің алдағы жекпе-жегі 21 қазан күні Американың Бостон қаласында өтеді. Жерлесіміз 30 жастағы америкалық боксшы, "Дәуіт" лақап атымен белгілі Мэтт Доэртимен (8-5-1, 4КО) жұдырық түйістіреді.
Қазақстандық жанкүйерлер кездесуді 21 қазан күні сағат 06:02-де "Хабар" арнасының тікелей эфирінен тамашалай алады.
Айта кетсек, Данияр Елеусінов кәсіпқой бокста бұған дейін үш кездесу өткізіп, үшеуінде де жеңген болатын. Соңғы жеңісінен кейін қазақстандық боксшының BoxRec.com танымал сайтындағы рейтингі бірден 75 сатыға жоғарылады.
4479 рет оқылды
