Фото: ҚТФ баспасөз қызметі
Қазақстанның бірінші, әлемнің 7-ракеткасы Елена Рыбакина Майамиде (АҚШ) өтіп жатқан Miami WTA 1000 турнирінің финалына шықты, - деп хабарлайды "Ұлт ақпарат".
Жартылай финалда Рыбакина әлемнің 3-ракеткасы, америкалық Джессика Пегуламен ойнап, 7:6 (7:3), 6:4 есебімен жеңіске жетті.
Бір сағат 52 минутқа созылған тартысты бәсеке барысында қазақстандық теннисші 11 эйс жасап, 15 брейк-пойнттың алтауын пайдаланды.
Айта кетейік, кездесу жаңбырға байланысты екі рет тоқтатылды.
Елена финалда әлемнің 12-ракеткасы, чехиялық Петра Квитова немесе рейтингте 74-сатыдағы румыниялық Сорана Кырстяның біреуімен жолығады.
1663 рет оқылды
