Алматы облысында қоқыс полигонындағы өртті сөндіруге 3 тонна су тасымалдайтын құрылғысы бар МИ-8 тікұшағы қосылды, деп хабарлайды "Ұлт ақпарат" Төтенше жағдайлар комитетіне сілтеме жасап.
Өрт түні бойы сөндірілді, қазіргі уақытта оқиға орнында Алматы облысы ТЖД жеке құрамынан 40 адам, 8 техника, Іле ауданы әкімшілігінен 26 адам, сондай-ақ 10 су тасушы техника, 3 бульдозер, 3 тиегіш, 5 самосвал жұмыс істеп жатыр.
Өрт алаңы - 3 гектар. Ал жалпы қоқыс тастайтын алаңның аумағы 38 гектарды құрайды.
«Өрт орнында үздіксіз су беріліп жатыр. Сонымен қатар қазіргі уақытта жану ошақтарын қайта құнарландыру және топырақпен жабу шаралары жүргізілуде» делінген хабарламада.
1096 рет оқылды
