Синоптиктер 2018 жылдың 2-4 қазан аралығына ауа райы болжамын жасады, деп хабарлайды "Ұлт ақпарат" «Қазгидромет» РМК-ға сілтеме жасап.
Демалыс күндері ауа райының жылы болуына әсер еткен антициклон Батыс Сібірдің оңтүстігіне ығысты.
Алдағы екі тәулікте Қазақстан арқылы суық атмосфералық ауа ағындары өтіп, 2 қазанда республиканың солтүстік және орталық облыстарында, 2-3 қазанда оңтүстік-шығыс және шығысында жаңбыр жаууы ықтимал.
Республиканың батыс облыстарына антициклон ауысып, үсік жүреді. Кейін антициклон шығысқа жылжиды, соған байланысты Қазақстанның солтүстігінде, орталығында және шығысында ауа температурасы 0...5° дейін төмендейді.
2947 рет оқылды
