30 сәу, 2023 сағат 11:35

Ақсайдағы жанжалдың соңы атысқа ұласты

видеодан алынған кадр

Батыс Қазақстан облысында төбелес пен атыс болған оқиға видеоға түсіп қалды, - деп хабарлайды Tengrinews.kz сайты "Мой ГОРОД"-қа сілтеме жасап.

Ақсайдағы аулалардың бірінде түсірілген видеода ер адамдар ерегісіп жатқанын, содан кейін олардың бірі қашып, қалғандары оны қуып жеткенін көруге болады. Бір кезде оқ атылған.

Кейін Батыс Қазақстан облысы полиция департаментінің баспасөз қызметі тәртіп сақшылары жанжалға қатысқанның бәрін анықтап, полицияға жеткізгенін хабарлады.

Аталған факті бойынша ҚР Қылмыстық кодексінің 293-бабы "Газ қаруын қолдану арқылы жасалған бұзақылық" бойынша сотқа дейінгі тергеу басталды.

"Істің мән-жайын толығырақ анықтау мақсатында тергеу амалдары жүргізіліп жатыр. Аудандық прокуратура жазбаша нұсқау берді. Зардап шеккендер мен құрбандар жоқ", - дейді БҚО полициясы.

Тергеу мүддесіне сай өзге ақпарат жария етілмейді.