Tailandtyń Pattaiia qalasynda aýyr atletikadan ótip jatqan álem chempionatynda qazaqstandyq Zúlfiia Chinshanlo tórtinshi orynǵa ie boldy, dep habarlaidy "Ult aqparat".
55 kelide salmaqta el namysyn qorǵap jatqan otandasymyz qossaiys qorytyndysy boiynsha 213 (93+120) kelini baǵyndyrdy.
Atalǵan salmaqta bas júldeni qytailyq Tsýniýn Liao (227 keli) jeńip alsa, ekinshi oryndy taǵy bir qytailyq sportshy Vantsýn Chjanqanjyǵasyna bailady. Úzdik úshinshi orynǵa filippindik atlet jaiǵasty.
Esterińizge sala keteiik, aýyr atletikadan álem chempionatynyń alǵashqy kúni erler arasyndaǵy 55 keli salmaqta qazaqstandyq Igor Son kúmis júldeger atanǵan bolatyn.
Bul álemdik dodada áielder arasyndaǵy básekede Zúlfiia Chinshanlodan bólek 71 keli salmaqta Ekaterina Bykova el namysyn qorǵap jatyr. Al erler arasynda 8 ziltemirshi baq synaýda. Atap aitar bolsaq, 55 keli salmaq dárejesinde Arli Chontei men Igor Son, 81 keli salmaqta da eki birdei atletimiz synǵa túsedi. Olar - Nijat Rahymov pen Aidar Qazov. Al 89 keli salmaq dárejesinde Denis Ýlanovqa úmit artylsa, 96 keli salmaqta Ilia Ilinge senim artamyz. 109 keli salmaqta Ibragim Bersanov el namysyn qorǵamaq.
27 qyrkúiek kúni máresine jetetin jarysta erler men áielder toǵyz medal jiyntyǵyn sarapqa salady.
