Oral qalasynyń turǵyny Sabina Ishanova jol apatynan keiin ómiri túbegeili ózgergenin aityp, kináli júrgizýshiniń ádil jaza alýyn talap etip otyr. Aýyr júk kóliginiń astynda qalyp, aýyr jaraqat alǵan boijetken qazir apelliatsiialyq sotqa júgingen, dep habarlaidy ult.kz.
Turkystan.kz dereginshe, qaiǵyly oqiǵa kezinde Sabina emtihannan shyǵyp, jaiaý júrginshiler ótkelimen joldan ótip bara jatqan. Sol sátte aýyr júk kóligi toqtamai, ony qaǵyp ketken. Oqiǵanyń beinebaqylaý kamerasyna túsip qalǵany belgili boldy.
Jol-kólik oqiǵasynan keiin dárigerler qyzdyń eki aiaǵyn kesýge májbúr bolýymyz múmkin degen boljam aitqan. Alaida mamandar kúrdeli operatsiialarǵa baryp, shashylyp ketken súiekterin qaita qalpyna keltirýge tyrysqan. Soǵan qaramastan, Sabina áli kúnge deiin ózdiginen erkin júrip-tura almaidy.
Boijetkenniń aitýynsha, apattan keiin ol birneshe aýyr operatsiiany bastan ótkerip, uzaq ýaqyt jansaqtaý bóliminde jatqan. Sol kezdegi jan azabynyń saldarynan ómir súrgisi kelmegenin de jasyrmaidy.
«Basynda ony keshirýge tyrystym. Biraq keiin oilandym: ol meni aiaǵan joq, tipti keshirim de suramady. Jansaqtaý bóliminde jatqanda kún saiyn dárigerlerden meni óltirýdi suraitynmyn. Bir aidyń ishinde bes operatsiia jasaldy. Kún saiyn tańý úshin narkoz alatynmyn. Qansha ótemaqy tólese de, eshkim maǵan burynǵy densaýlyǵymdy qaitara almaidy», – deidi Sabina Ishanova.
Jábirlenýshiniń aýyr jaǵdaiyna bailanysty sot protsesi onlain formatta ótken. Nátijesinde júk kóliginiń júrgizýshisi eki jylǵa bas bostandyǵynan aiyrylǵan. Alaida keiin raqymshylyq týraly zańnyń aiasynda onyń jazasy jeńildetilgen.
Mundai sheshimmen kelispegen Sabina men onyń jaqyndary istiń ádil qaralýyn talap etip, apelliatsiialyq sotqa shaǵym túsirgen. Jábirlenýshi tarap kináli azamat jasaǵan áreketine sai tolyq jaýap berýi kerek dep esepteidi.
