ورال قالاسىنىڭ تۇرعىنى سابينا يششانوۆا جول اپاتىنان كەيٸن ٶمٸرٸ تٷبەگەيلٸ ٶزگەرگەنٸن ايتىپ, كٸنەلٸ جٷرگٸزۋشٸنٸڭ ەدٸل جازا الۋىن تالاپ ەتٸپ وتىر. اۋىر جٷك كٶلٸگٸنٸڭ استىندا قالىپ, اۋىر جاراقات العان بويجەتكەن قازٸر اپەللياتسييالىق سوتقا جٷگٸنگەن, دەپ حابارلايدى ult.kz.
Turkystan.kz دەرەگٸنشە, قايعىلى وقيعا كەزٸندە سابينا ەمتيحاننان شىعىپ, جاياۋ جٷرگٸنشٸلەر ٶتكەلٸمەن جولدان ٶتٸپ بارا جاتقان. سول سەتتە اۋىر جٷك كٶلٸگٸ توقتاماي, ونى قاعىپ كەتكەن. وقيعانىڭ بەينەباقىلاۋ كامەراسىنا تٷسٸپ قالعانى بەلگٸلٸ بولدى.
جول-كٶلٸك وقيعاسىنان كەيٸن دەرٸگەرلەر قىزدىڭ ەكٸ اياعىن كەسۋگە مەجبٷر بولۋىمىز مٷمكٸن دەگەن بولجام ايتقان. الايدا ماماندار كٷردەلٸ وپەراتسييالارعا بارىپ, شاشىلىپ كەتكەن سٷيەكتەرٸن قايتا قالپىنا كەلتٸرۋگە تىرىسقان. سوعان قاراماستان, سابينا ەلٸ كٷنگە دەيٸن ٶزدٸگٸنەن ەركٸن جٷرٸپ-تۇرا المايدى.
بويجەتكەننٸڭ ايتۋىنشا, اپاتتان كەيٸن ول بٸرنەشە اۋىر وپەراتسييانى باستان ٶتكەرٸپ, ۇزاق ۋاقىت جانساقتاۋ بٶلٸمٸندە جاتقان. سول كەزدەگٸ جان ازابىنىڭ سالدارىنان ٶمٸر سٷرگٸسٸ كەلمەگەنٸن دە جاسىرمايدى.
«باسىندا ونى كەشٸرۋگە تىرىستىم. بٸراق كەيٸن ويلاندىم: ول مەنٸ اياعان جوق, تٸپتٸ كەشٸرٸم دە سۇرامادى. جانساقتاۋ بٶلٸمٸندە جاتقاندا كٷن سايىن دەرٸگەرلەردەن مەنٸ ٶلتٸرۋدٸ سۇرايتىنمىن. بٸر ايدىڭ ٸشٸندە بەس وپەراتسييا جاسالدى. كٷن سايىن تاڭۋ ٷشٸن ناركوز الاتىنمىن. قانشا ٶتەماقى تٶلەسە دە, ەشكٸم ماعان بۇرىنعى دەنساۋلىعىمدى قايتارا المايدى», – دەيدٸ سابينا يششانوۆا.
جەبٸرلەنۋشٸنٸڭ اۋىر جاعدايىنا بايلانىستى سوت پروتسەسٸ ونلاين فورماتتا ٶتكەن. نەتيجەسٸندە جٷك كٶلٸگٸنٸڭ جٷرگٸزۋشٸسٸ ەكٸ جىلعا باس بوستاندىعىنان ايىرىلعان. الايدا كەيٸن راقىمشىلىق تۋرالى زاڭنىڭ اياسىندا ونىڭ جازاسى جەڭٸلدەتٸلگەن.
مۇنداي شەشٸممەن كەلٸسپەگەن سابينا مەن ونىڭ جاقىندارى ٸستٸڭ ەدٸل قارالۋىن تالاپ ەتٸپ, اپەللياتسييالىق سوتقا شاعىم تٷسٸرگەن. جەبٸرلەنۋشٸ تاراپ كٸنەلٸ ازامات جاساعان ەرەكەتٸنە ساي تولىق جاۋاپ بەرۋٸ كەرەك دەپ ەسەپتەيدٸ.
