Foto: freepik
8 jasar qyzdyń anasy kúieýin óz týǵan balasyn zorlap jatqan jerinen ustap alǵan. Bul týraly zańger, QQ "Human Rights Lawyers" basshysy Lázzat Rakisheva aitty, dep habarlaidy «Ult aqparat» inbusiness.kz-ke silteme jasap.
Zańgerge zardap shekken qyzdyń anasy hat joldaǵan. Hatta áiel oqiǵanyń qalai bolǵanyn baiandap bergen.
"Sálemetsiz be, Lázzát hanym! Men 2010 jyly qazirgi sottalǵan kýieýime, turmysqa shyqtym. Ol adamdy kúieýim dep aitýdan jiirkenemin, esime de túsirgim kelmeidi, biraq, sharasyzbyn. 2020 jyly 2 qarashada keshki saǵat 18:30 shamasynda úiimizde qylmystyń ústinen tústim, iaǵni 8 jastaǵy týǵan qyzyn shyryldatyp, zorlap jatqan jerinen ustap aldym. Bizdiń ortaq tórt balamyz bar. Jábirlenýshi osy bir tal qyzymyz, men aýrý men saýdyń kúiin keshtim. Ertesi zorǵa jinalyp, politsiia shaqyrdym úige. Ol sol kúni úiden qashyp ketti, eki kúnnen keiin politsiia izdep taýyp, túrmege qamaldy. Osylai tergeý aiaqtalyp, is sotqa jiberiledi", - degen hat iesi.
Onyń aitýynsha, kúdikti 2021 jyly maýsymda 20 jylǵa sottalǵan.
"Endi meniń qyzymdy zorlaǵannyń ákesi "nemerelerimdi kórset" dep ChS arqyly talap etti. Men kelisip, "atalary ǵoi" dep balalardy jiberdim. Ol shal meni balalaryma jamandap, "ol psih balamdy ótirik sottatty" dep aýyzyna kelgenin aitqan! Balalarym "ol shalmen kezdeskimiz kelmeidi, kórgimiz de kelmeidi" dep jylap otyr! Men ne isteimin? Meniń balalaryma nege qysym kórsetedi onyń ákesi?? Kómektesińizshi Lázzát hanym", - dep jazǵan búldirshinniń anasy.
