Ispaniialyq «Real» komandasynyń bas bapkeri Zinedin Zidan Frantsiianyń fýtbol quramasyn jattyqtyrýy múmkin. Bul týraly L'Equipe basylymy habarlady.
Qazirgi bapker Dide Deshamnyń ulttyq quramamen kelisimsharty 2022 jyly aiaqtalady. Eger ol kelisimdi jańartýdan bas tartsa, Frantsiia fýtbol federatsiiasy (FFF) Zidanǵa óz pozitsiiasyn usyna alady.
«Deshamnyń murageri kim? Bizdiń Zidanmen qarym-qatynasymyz óte jaqsy. Eger Dide ulttyq quramanyń jattyqtyrýdan bas tartsa, men áli de qyzmetimde júrsem, onda álbette bul laýazymda birinshi kórgim keletin adam Zidan bolar edi», - dedi FFF basshysy Noelle le Gre.
Zidan 48 jasta. 2019 jyly ol «Real Madridtiń» jattyqtyrýshysy bolyp taǵaiyndaldy. Onyń ispaniialyq klýbpen kelisimsharty 2022 jyldyń 30 maýsymyna deiin jasalǵan. Ol buǵan deiin Madrid klýbyn 2016 jyldan 2018 jylǵa deiin jattyqtyrǵan. Onyń basshylyǵymen Real Madrid Chempiondar ligasyn úsh ret jeńip aldy. Eki ret Ispaniia chempiony atandy. 2017 jyldyń sońynda Halyqaralyq fýtbol federatsiiasy (FIFA) men bedeldi frantsýz jýrnaly France Football Zidandy úzdik jattyqtyrýshy dep tanydy.
Oiynshy retinde Zidan Chempiondar ligasynyń jeńimpazy boldy. Real quramynda Ispaniia chempiony atandy. 1998 jyly «Altyn dopty» ielendi. Zidanmen birge Frantsiia Álem (1998) jáne Eýropa (2000) chempiony atandy.
