Ózin Qudai dep ataǵan Arstan Alai Qytaiǵa koronavirýs jibergenin aitqan. Sondai-aq, Alai adamzattyń 70 paiyzy jańa virýstan óletinin, biraq ol qyrǵyzstandyqtarǵa áser etpeitinin boljaǵan.
Onyń sózinshe, qyrǵyzdar álemdi tabiǵi kúshter arqyly basqarady. Buǵan deiin Arstan Alai buqaralyq aqparat quraldarynda Qytai Qyrǵyzstannyń 4 milliard dollar qaryzyn keshirmegenin aitqan, sondyqtan Alai olardy koronavirýs arqyly jazalaǵan eken. Sondai-aq, Qytai biligi qyrǵyz halqynyń barlyq ulylyǵyn bilmeiinshe, ony jeńe almaitynyn jetkizgen.
Tanymal júrgizýshi Ýrmat Asanbekov Arstan Alaidy osy sózderi úshin sotqa bergen. Bul týraly ol Twitter áleýmettik jelisindegi resmi paraqshasynda aitty.
"Aitqanyńyz úshin jaýap berýińiz kerek dep oilaimyn", - dedi ol óz jazbasynda.
Ýrmat Asanbekov dúrbeleń bolyp, karantin jariialanǵan soń otbasylyq is-sharalardyń ýaqyty ózgerýine bailanysty júrgizýshi retinde jumysynan aiyrylǵandyqtan, moraldyq ziian keltirilgenin atap ótti.
Sondai-aq, ol Arstan Alai ózin Qudai dep ataǵanyn, sondyqtan ony qaýiptiń joǵarylaýyna sebepker retinde tanýǵa bolatynyn aitqan.
Nátijesinde, Asanbekov keltirilgen moraldyq ziiandy 50 myń somǵa baǵalaǵan. Ol bul somany Arstan Alaidan óndirip alǵysy keledi.
Sýret: knews.kg
