Jynystyq sipattaǵy zorlyq-zombylyǵy úshin izdeý jariialanǵan 27 qazaqstandyq ustaldy. Bul týraly QR Ishki ister ministrliginiń resmi ókili Nurdildá Oraz málim etti, dep habarlaidy "Ult aqparat".
«7 maýsymnan bastap ótizilip jatqan «Migrant» jedel aldyn alý is-sharasy barysynda izdeýde júrgen 78 qylmysker ustaldy. Olardyń qatarynda jynystyq sipattaǵy zorlyq-zombylyq jasaǵany úshin halyqaralyq izdeý jariialanǵan 27 qazaqstandyq jáne TMD elderiniń 3 adamy bar. Kóshi-qon qyzmetiniń málimetine sáikes, «Migrant» operatsiiasy barysynda kóshi-qon zańnamasyn buzǵandarǵa qatysty 518 sot sheshimi qabyldandy. Olar el aýmaǵynan shyǵaryldy», - dedi Nurdildá Oraz.
Sonymen qatar ol Ishki ister ministriniń atyna kún saiyn azamattardan politsiia qyzmetkerlerine alǵys aitqan hattar kelip túsetindigin aitty. Máselen, Almaty turǵyny Medeý aýdandyq politsiia basqarmasynyń aǵa jedel ýákili Abzal Sháripovke alaiaqty izdestirýdegi jedel jumysy úshin alǵys bildiredi.
«Joǵary sapaly oryndalǵan jumys úshin alǵysymdy bildirgim keledi. Abzal óziniń biliktiligi arqyly politseidiń boiynda qandai qasietteri bolýy kerektigin kórsetti. Óziniń qyzmettik mindetterin oryndaýǵa óte jaýapty qaraidy. Bir jyldan astam ýaqyt izdeýde júrgen kúdiktini jedel taýyp, jetkizdi. Osyndai saýatty mamandardyń arqasynda barlyq qylmyskerler tiisti jazaǵa tartylýy úshin jumysta sáttilik tileimin!», - dep jazady hat avtory Bolǵanai Kámetova.
