2011 jyldan beri Niý-Iork gýbernatory bolǵan Endriý Kýomo.
"Jynystyq álimjettik kórsetti" dep aiyptalǵan Niý-Iork shtatynyń gýbernatory Endriý Kýomo 14 táýlik ishinde qyzmetten ketetinin málimdedi, dep jazady Azattyq.
3 tamyzda aimaq prokýrory Letitsiia Djeims gýbernatordyń birneshe áielge jynystyq álimjettik kórsetý isi boiynsha tergeý aiaqtalǵanyn habarlaǵan. Onyń sózinshe, tergeý Kýomonyń 11 áielge, olardyń ishinde qolastynda istegen áielderge tiisken dáiekter anyqtalǵan.
AR agenttiginiń málimetine qaraǵanda, 63 jastaǵy demokrat aiyptaýlardy "saiasi negizdermen jasalǵan shabýyl" dep atady.
"Men bul áreketterge qarsylyq kórsetsem, shtatta birneshe ai tynyshtyq bolmaidy. Bul maǵan kerek emes. Sondyqtan qazir qyzmetten ketip, ákimshilikke basqarý quqyǵyn berý jón dep eseptedim" deidi gýbernator.
Tergeý barysynda kóptegen áielder Kýomonyń kek alýynan qorqyp, jasyryp kelgenin aitqan.
Ótken aptada bul oqiǵa boiynsha pikirin bildirgen AQSh prezidenti Djo Baiden Endriý Kýomony qyzmetten ketýi kerek dep málimdegen.
2020 jyly birneshe áiel Kýomony jynystyq álimjettik kórsetti dep aiyptap, aryzdanǵan. Al ol aiyptaýlardy teriske shyǵaryp, partiialastarynyń qyzmetten ketý usynysynan bas tartqan.
Endriý Kýomo Niý-Iork shtatyn 2011 jyldan beri basqaryp keldi. Ol - Demokratiialyq partiianyń ókili. 2010 jylǵa deiin ol bul shtattyń bas prokýrory boldy.
