Áleýmettik jelide Ulttyq ekonomika vitse-ministri Serik Jumanǵarinniń tarifke qatysty suraq qoiǵan tilshige bergen jaýaby qyzý talqyǵa tústi. Sheneýniktiń ashýǵa berilip aitqan sózderine jeli qoldanýshylary narazylyq bildirgen, - dep jazady NUR.KZ.
Vitse-ministr tarifter týraly qoiylǵan suraqqa jaýap berýden bas tartqan.
"Bul basqa shara ǵoi. Ne boldy? Keshe parlamentte tarifter týraly aittym. Ondai bolsa ózderińiz tura berińizder", - dedi ol.
Osy tusta Jumanǵarin ekinshi tilshiniń shaǵyn jáne orta biznes týraly qoiǵan saýalyna jaýap berýge qarsy emes ekenin aitty.
" Árine. Shara shaǵyn jáne orta biznes jaily. Al sizder tarif týraly suraýǵa keldińizder me? Maǵan arnaiy kelińizshi, men sizge tarif týraly basynan aiaǵyna deiin barlyǵyn aityp bereiin. Jynymdy keltirmeńizshi", – deidi vitse-ministr.
Bul videony kórgen jeli qoldanýshylary sheneýniktiń sózine narazylyq bildirgen. Olar jýrnalistiń kez kelgen jerde kez kelgen suraq qoiýǵa quqyǵy bar ekenin alǵa tartqan.
