Bilim jáne ǵylym ministri Ashat Aimaǵametov jyly dárethanalardyń shyn máninde jumys isteýin qadaǵalaýdy tapsyrdy, dep habarlaidy "Ult aqparat"
«Eshkimdi aldaýdyń qajeti joq. Jyly dárethanany ornatqanymen, ony mýzei siiaqty qasterlep, jabyq ustaityn mektepter de bar. Tekserýshiler kelgende ǵana ashylatyndyqtan, basqa kezde oqýshylar aýladaǵy dárethanaǵa baryp júrgen jaǵdailar áshkere boldy. Mundaiǵa jol berilmeýi kerek. Aýyldy eldi mekenderde syrttaǵy dárethana degen bolmaýy kerek nemese oǵan oqýshylar kire almaityndai etip bekitilýi kerek. Qarjy shyǵyndap, jyly dárethana salǵan ekenbiz, olar únemi jumys istep turýy tiis», - dedi Ashat Aimaǵambetov Úkimet janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komissiianyń otyrysynda.
Vedomstvo basshysy budan bylai jyly dárethanalardyń sanitarlyq torappen jabdyqtalýyna basa kóńil bólinetinin eskertti.
«Jyly dárethananyń ózi ǵana bolǵany jetkiliksiz. Men komitetke tapsyrma berdim, budan bylai ol dárehanalardyń sýmen qanshalyqty jabdyqtalǵanyn, assenizator mashinalarynyń bolýyn, septikterdiń durys jumys isteýin qadaǵalaý kerek. Bul máseleler sheshilmese, jyly dárethana jumys isteidi degenimiz ótirik bolady», - dedi Bilim jáne ǵylym ministr.
