Foto: Erlan OMAR, «EQ»
Jyldyń sońyna deiin barlyq balabaqshalar kezeń-kezeńimen tolyqtai vaýcherlik qarjylandyrý júiesine ótetin bolady. Bul týraly Oqý-aǵartý ministri Ǵaini Beisembaev QR Úkimetiniń otyrysynda aitty, dep habarlaidy Ult.kz.
Biylǵy oqý jylynda 11 myń 800 mektepke deiingi uiymda1 millionnan astam bala tárbielenip, bilim alatyn bolady.
"Jyl basynan bastap balabaqshalardy vaýcherlik qarjylandyrý pilottyq jobasy elimizdiń 20 qalasy men 7 aýdanynda sátti iske asyrylǵany belgili. Pilottyq kezeńde 461 myń vaýcher berilip, balabaqshaǵa kezektilik 93 myńǵa qysqardy. Nátijesinde jergilikti biýdjetterden 7,7 mlrd teńge únemdeldi. Qyrkúiek aiynan bastap, biylǵy jyldyń sońyna deiin barlyq balabaqshalar kezeń-kezeńimen tolyqtai osy vaýcherlik qarjylandyrý júiesine ótetin bolady", - dedi Ǵ. Beisembaev.
Sonymen qatar ministrdiń aitýynsha 135 balabaqshada 7 myńnan asa búldirshinniń memlekettik tildi qoldaný daǵdysyn arttyrǵan «Tilge boilaý» jáne ata-analarǵa 5 jasqa deiingi balalardy otbasy jaǵdaiynda damytýǵa kómekshi bolǵan «Beske deiin úlger» jobalary jańa oqý jylynan bastap, mektepke deiingi bilim berý deńgeiine jappai engiziledi.
Mektep jasyna deiingi balalardy adal eńbekke baýlý maqsatynda 12 myń balany qamtityn jańa joba qyrkúiek aiynan bastap, elimizdegi 100 balabaqshaǵa pilot retinde engiziledi.
