QR Ulttyq bank tóraǵasynyń orynbasary Aqyljan Baimaǵambetov Memleket basshysynyń 2020 jylǵy 1 qyrkúiektegi Joldaýyn iske asyrý jónindegi sharalar týraly aitty, dep habarlaidy QazAqparat.
Memleket basshysy «aqsha-kredit saiasatyna jańasha qaraý» mindetin aityp ótti.
«Qazirgi ýaqytta Ulttyq bank aqsha-kredit saiasatynyń 2030 jylǵa deiingi strategiiasyn ázirlep jatyr. Ol aqsha-kredit saiasatyn tiimdi iske asyrýǵa kedergi keltiretin júielik problemalardy joiýǵa yqpal etedi. Teńgege jáne júrgizilip otyrǵan saiasatqa degen senimdi arttyrady, sondai-aq turaqty infliatsiiany qamtamasyz etý arqyly Qazaqstan ekonomikasyna uzaq merzimdi investitsiialar úshin boljamdy orta qalyptastyrýǵa yqpal etetin bolady», – dedi Aqyljan Baimaǵambetov.
Valiýta naryǵynyń tiimdiligin arttyrý úshin Úkimetpen birlesip elge valiýtalyq túsimdi qaitarýdyń qosymsha sharalary pysyqtalady jáne eksporttaýshylardyń ony iske asyrýy úshin qolaily jaǵdai jasalady.
Sonymen qosa, Prezidenttiń tapsyrmasy boiynsha 2020 jyldyń sońyna deiin Ulttyq bank janynda Aqsha-kredit saiasaty jónindegi komitet qurylýy kerek.
«Bul organnyń basty mindeti - bazalyq stavka men onyń dáliziniń mólsheri jóninde sheshim qabyldaý. Orta merzimdi perspektivada onyń quramyna táýelsiz músheler kiredi», – dep tolyqtyrdy QR Ulttyq bank tóraǵasynyń orynbasary Aqyljan Baimaǵambetov.
