2021 jyldyń sońyna qarai infliatsiia nysanaly diapazonnan 0,4-0,5 paiyzǵa joǵary bolýy múmkin. Bul týraly QR Ulttyq bankiniń tóraǵasy Erbolat Dosaev málim etti, dep habarlaidy QazAqparat.
«Biylǵy jyl basyndaǵy azdaǵan turaqtanýdan keiin mamyrda infliatsiialyq protsesterdiń jyldyq kórsetilim boiynsha 7,2%-ke deiin jedeldeýi baiqalady. Azyq-túlikke jatpaityn taýarlar men aqyly qyzmetter baǵasynyń aitarlyqtai ósýi azyq-túliktiń quramdas bólikteriniń dezinfliatsiiasymen teńestirildi. Azyq-túlik infliatsiiasy nan-toqash ónimderiniń, ettiń, jemis-kókónis ónimderiniń baǵasy ósýiniń baiaýlaýy aiasynda 9,8%-ten 9,3%-ke deiin báseńdedi», - dedi Erbolat Dosaev Úkimet otyrysynda.
Ulttyq bank tóraǵasy dezinfliatsiialyq protsesterge qaramastan, jekelegen taýar naryqtarynda qymbattaý jalǵasyp jatqanyn atap ótti.
«Kiim-keshek pen aiaq qiim baǵasynyń 5,9%-ke deiin, benzin baǵasynyń 12,7%-ke deiin ósý qarqynyna bailanysty azyq-túlikke jatpaityn infliatsiia 6,4%-ten 6,7%-ke deiin jedeldedi. Karantindik shekteýlerdi jeńildetý jaǵdaiynda joǵarylaǵan suranys aiasynda, elektr energiiasy tarifteriniń artýy men jekelegen qyzmetter baǵasynyń ósýi aiasynda aqyly qyzmetter infliatsiiasy 4,1%-ten 5,1%-ke deiin jedeldedi.
Benzin baǵasynyń edáýir kúrt ósýin, elektr energiiasy baǵasynyń ósýin, barynsha kúshti fiskaldyq yntalandyrýdy jáne joǵary infliatsiialyq kútýlerdi eskersek, 2021 jyldyń sońyna qarai, bizdiń sońǵy boljamdarǵa sáikes, infliatsiia nysanaly diapazonnan 0,4-0,5 paiyzdyq tarmaqqa joǵary qalyptasýy múmkin. Sonymen birge, 2022 jyly biz ishki proinfliatsiialyq faktorlar áseriniń taýsylýyn jáne syrtqy infliatsiialyq qysymnyń álsireýin kútemiz. Nátijesinde infliatsiia bekitilgen dáliz 4-6%-ke kiredi», - deidi E. Dosaev.
Atalǵandy eskerip, biylǵy 7 maýsymda Ulttyq bank bazalyq stavkany 9% deńgeiinde saqtaýǵa sheshim qabyldaǵan.
«Proinfliatsiialyq faktorlar tarapynan táýekelder iske asqan jaǵdaida jáne boljamdy baǵalaýlarmen salystyrǵanda barynsha baiaý dezinfliatsiia jaǵdaiynda Ulttyq bank aqsha-kredit sharttaryn qatańdatý boiynsha sheshim qabyldaidy», - deidi Erbolat Dosaev.
