Qazirgi kúni álem boiynsha jumyssyzdar sany 188 million adamdy quraidy. 2020 jyldyń sońyna qarai olardyń qatary taǵy 2,5 million adamǵa tolyǵýy múmkin. Bul týraly BUU resmi saity Halyqaralyq eńbek uiymynyń jańa baiandamasyna silteme jasap habarlady.
Oǵan sebep – eńbekke qabiletti adamdar sanynyń ósýi jańa jumys oryndarynyń qurylý qarqynyn basyp ozýda. Bul rette, álemde jumysshy kedeilerdiń sany artyp keledi.
Baiandamaǵa sáikes, jarty milliardqa jýyq adam ózderi qalaǵannan az eńbek etedi jáne ol úshin tiyn-teben alady nemese múldem jumys istemeidi.
«Milliondaǵan qarapaiym adamǵa eńbek arqyly ómirin jaqsartý qiyn bolyp barady», - dedi Halyqaralyq eńbek uiymynyń bas direktory Gai Raider.
Álemde 188 million adam jumyssyz bolǵanynan bólek, taǵy 165 milliony tómengi jalaqy alady. Buǵan qosa, jumyssyz retinde resmi tirkelmegen 120 million adam eki qolǵa bir kúrek tappai otyr. Osylaisha, jumyspen qamtý salasyndaǵy daǵdarys jalpy 470 million adamdy qamtidy.
«Qazirgi ýaqytta 630 mln jumysshy (eńbek etetin árbir besinshi adam) kedeishilikte ómir súrip, kúnine 3,2 dollardan az aqsha alady. Jumyssyzdyqtan kóbine jastar zardap shegetinine qarap, teńsizdik beleń alǵanyn baiqaýǵa bolady. Qazirgi kúni álemde 15-24 jas aralyǵyndaǵy 267 mln jastyń jumysy joq», - delingen málimette.
