QR Ulttyq banki jyl aiaǵyna deiin eldegi infliatsiia 7,5%-8,5% dálizine baratynyn boljap otyr. Bul týraly bank tóraǵasy Erbolat Dosaev Úkimet otyrysynda aitty, dep habarlaidy QazAqparat.
«Azyq-túlikke jatpaityn infliatsiia tamyzda 7,3%-ke deiin 0,1 paiyzdyq tarmaqqa ósti. Óndirýshiler baǵanyń ósimi jáne suranystyń qalpyna kelýi aiasynda janar-jaǵarmai baǵasynyń ósýi jalǵasýda. Bul kiim-keshek jáne aiaq kiim baǵasynyń da ósýin jedeldetedi. Olardyń azyq-túlikke jatpaityn infliatsiiaǵa úlesi osy jyldyń mamyr-tamyz ailarynda 0,94 paiyzdyq tarmaqty qurady», - degen Erbolat Dosaev aqyly qyzmetter infliatsiiasynyń tamyzda 6,6%-ke deiin ósýi tarifterdi kótergenin atady.
«Shekti tarifterdiń kóterilýine bailanysty elektr energiiasy baǵasynyń ósýi 10,1%-ti qurady. Suranysty qalpyna keltirý aiasynda turǵyn úidi jalǵa alý baǵasy, qoǵamdyq tamaqtaný, gaz jáne jolaýshylar áýe tasymaly baǵasy ósti. Boljamdyq raýndtyń qorytyndysy boiynsha Ulttyq Bank biylǵy jyldyń sońyna qarai infliatsiia 7,5%-8,5% dálizinde qalyptasady dep kútýde. Onyń tómengi shekarasy Infliatsiiaǵa qarsy den qoiý sharalarynyń keshenin tiimdi iske asyrýdy eskere otyryp aiqyndalǵan», - dedi Ulttyq bank basshysy.
