QR Ulttyq egý kúntizbesi aiasynda 430 myń almatylyqty vaktsinamen qamtý josparlanǵan. Onyń ishinde 25 myń júkti áiel bar, dep habarlaidy "Ult aqparat".
QR-da COVID-19 virýsyna qatysty engizilgen karantinge bailanysty aǵymdaǵy jyldyń 22 naýryzynan bastap profilaktikalyq egýler toqtatylyp, 11 mamyrda qaita bastaldy. Ulttyq egý kúntizbesine sáikes, turǵyndardy emhananyń ýchaskelik medbikesi egýge shaqyrady.
Birinshi kezekte, josparly ekpeni almaǵan 1 jasqa deiingi balalar qamtylady. Vaktsinatsiia barlyq mindetti sanitarlyq sharalardy saqtai otyryp júrgiziledi. Sonymen qatar, preparatty engizer aldynda dárigerler ampýlanyń jaramdylyq merzimin, tutastyǵyn tekserýge mindetti.
«Immýndaý jumystary kúntizbege sáikes jalǵasýda. Emhanaǵa tek aldyn ala jazylý arqyly barý kerek. Keletin patsient jaily meditsinalyq mekeme qyzmetkerlerin aldyn ala habardar etedi. Vaktsinatsiia tek adamnyń saý fonynda júrgiziledi. 30 minýt ishinde meditsina qyzmetkerleri balanyń nemese eresek adamnyń jaǵdaiyn muqiiat baqylaýy kerek. COVID-19 virýsymen aýyryp jazylǵan jáne olarmen bailanysta bolǵan biraq, klinikalyq belgileri joq adamdar ádettegidei vaktsinatsiialanýy múmkin», - dep atap ótti Almaty qalasy №4 emhananyń bas dárigeri Zýhra Ýmarova.
Qazaqstannyń Ulttyq egý kúntizbesinde 21 infektsiianyń aldyn alý jáne taralý múmkindigi qarastyrylǵan. Olar tegin beriledi.
Infektsiialyq jáne parazittik aýrýlarǵa qarsy josparly egýge tómendegi toptar jatady:
– profilaktikalyq egýlerdi júrgizýdiń belgilengen merzimderine sáikes jasy kelgen adamdar;
– juqpaly aýrýlardyń (kóktemgi-jazǵy kene entsefaliti) tabiǵi oshaqtarynda turatyn jáne jumys isteitin halyq;
– óziniń kásibi qyzmeti boiynsha qaýipti topqa jatatyn tulǵalar: meditsina qyzmetkerleri («V» virýs gepatiti, tumaý);
káriz jáne tazartý qurylystarynyń qyzmetkerleri (ish súzegi);
– óz densaýlyǵy boiynsha qaýipti topqa jatatyn tulǵalar:
– qan quiý protsedýrasynan ótkender («V» virýs gepatiti);
–meditsinalyq uiymda dispanserlik esepte turǵan balalar (tumaý);
– balalar úiiniń, sábiler úiiniń balalary, qarttar úiiniń kontingenti (tumaý);
– kez kelgen janýar tistegen, silekeilengen adamdar (qutyrý);
– jaraqat alyp, teri jáne shyryshty qabattary buzylǵan, jaralanǵan adamdar (sirespe);
– infektsiialyq syrqattanýshylyq deńgeii joǵary óńirlerde turatyn adamdarǵa epidemiologiialyq kórsetkishter («A» virýsty gepatiti, tumaý, qyzylsha, qyzamyq, epidemiialyq parotit) boiynsha vaktsinatsiialaý júrgiziledi.
Kúzde COVID-19 virýsymen syrqattanýdyń ekinshi tolqyny bolýy múmkin, bul rette negizgi qaýip toby sozylmaly aýrýlary bar adamdar, onyń ishinde 65 jastan asqan adamdar (júrek-qantamyr júiesi aýrýlary, qant diabeti jáne ókpeniń sozylmaly obstrýktivti aýrýy bar) jáne meditsina qyzmetkerleri bolmaq.
Osyǵan bailanysty qyrkúiek aiynyń basynda tumaýǵa qarsy vaktsinatsiialaý bastalady. Qazirgi ýaqytta 130 000 doza jetkizilýi kerek. «SK-Farmatsiia» JShS biryńǵai distrribiýtoryna qosymsha tumaýǵa qarsy vaktsinanyń 300 000 dozasyna ótinim berildi, ol 2020 jyldyń qazan aiynda jetkiziledi dep josparlanýda.
