Sý únemdeý tehnologiialary qoldanylatyn alańdar 450 myń gektarǵa deiin jetkiziledi. Bul týraly búgin Úkimet otyrysynda QR Aýyl sharýashylyǵy ministri Erbol Qarashókeev aitty, dep habarlaidy QazAqparat.
«Ázirlenip jatqan Agroónerkásiptik keshendi damytý jónindegi 2021-2025 jyldarǵa arnalǵan ulttyq joba aiasynda sý únemdeý tehnologiialary qoldanylatyn alańdardy 450 myń gektarǵa deiin jetkizý indikatory kózdelgen. Sýy az tsikldiń saqtalyp otyrǵanyn jáne sýaratyn sý tapshylyǵynyń ósýin eskere otyryp, fermerlerge sý únemdeý tehnologiialaryn belsendi túrde engizýdi usynamyz. Osyǵan bailanysty biz Ekologiia ministrliginiń barlyq oblystardyń alańdaryn aiqyndai otyryp, Sý únemdeý tehnologiialaryn engizý jónindegi jol kartalaryn ázirlep, bekitý, josparlardyń oryndalýyn mindetti túrde baqylaý týraly usynysyn qoldaimyz», - dedi E. Qarashókeev.
Onyń aitýynsha, fermerlerdi sý únemdeý tehnologiialaryn engizýge yntalandyrý maqsatynda qazirgi ýaqytta sý berý boiynsha kórsetiletin qyzmetterdi óteý jónindegi sýbsidiialardy sýarý tásilderine bailanysty saralaý jumysy júrgizilip otyr, iaǵni sý únemdeý tehnologiialaryn qoldanatyn fermerler ǵana burynǵy deńgeidegi sýbsidiialardy alady.
«Sý únemdeýdiń mańyzdy baǵyttarynyń biri - sýdy kóp qajet etetin daqyldardy ártaraptandyrý. Jalpy alǵanda, ministrlik oblystar ákimdikterimen birlesip, jyl saiyn sýdy kóp qajet etetin daqyldar men monodaqyldardy azaitý boiynsha tiisti jumystar júrgizip keledi. Máselen, aǵymdaǵy jyly 2020 jylmen salystyrǵanda maqta alańy 18 myń gektarǵa, kúrish alańy 7,6 myń gektarǵa azaityldy», - dedi ministr.
Úkimet otyrysynyń 2020 jylǵy 22 jeltoqsandaǵy hattamalyq tapsyrmasyn oryndaý maqsatynda aldaǵy ýaqytta Túrkistan oblysy boiynsha maqta alqaptaryn 100 myń gektarǵa deiin, sondai-aq Qyzylorda oblysy boiynsha kúrishti 75 myń gektarǵa deiin azaitý josparlanyp otyr.
