Jyl saiyn Memleket basshysyna qoǵamdyq keńesterdiń qyzmeti týraly Ulttyq baiandama engiziledi. Bul týraly QR Aqparat jáne qoǵamdyq damý vitse-ministr Bolat Tilepov aitty, dep habarlaidy "Ult aqparat".
«Osy jyldan bastap elimizde jumys istep jatqan 237 jáne oǵan qosymsha qurylatyn 13 qoǵamdyq keńesterdiń ókiletin edáýir arttyratyn zańnamalyq ózgerister kúshine endi. Atap aitsaq, endigi jerde qoǵamdyq keńesterdiń 70 paiyzynan kem emes quramy baiqaý arqyly sailanatyn úkimettik emes uiym ókilderinen turatyn bolady», - dedi Bolat Tilepov Ortalyq kommýnikatsiialar qyzmetindegi baspasóz máslihatynda.
Budan bólek, vitse-ministr olardyń quqyqtary men mindetterin keńeitý, sondai-aq qoǵamdyq baqylaý nysandaryn reglamentteý jónindegi is-sharalar kózdelgenin basa aitty.
«Mine, osy túzetýlerdi eskere otyryp, jyl saiyn Memleket basshysyna qoǵamdyq keńesterdiń qyzmeti týraly Ulttyq baiandama engiziletin bolady», - dedi ol.
