Қазақстан Тәуелсіздігіне 25 жыл

Jyl basynan beri Qazaqstanǵa qansha qandas oraldy?

Jyl basynan beri Qazaqstanǵa qansha qandas oraldy?

Sýret ashyq derekkózden alyndy

Jyl basynan beri 4,5 myńnan asa etnikalyq qazaq qandas mártebesin aldy, - dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.

Vedomstvo málimetinshe, 1 sáýirdegi jaǵdai boiynsha 4 575 etnikalyq qazaq tarihi otanymen tabysyp, qandas mártebesin alǵan. Jalpy, 1991 jyldan beri respýblikaǵa 1 million 111,1 myń etnikalyq qazaq oralǵan.

Jyl basynan Qazaqstanǵa kelgen qandastardyń jartysy (52,4 paiyz) Ózbekstannan, 19,3 paiyz - Qytaidan, 6,3 paiyz - Túrikmenstannan, 5,3 paiyz - Mońǵoliiadan, 13 paiyz - Reseiden jáne 3,7 paiyz basqa elderden.

Kelgen etnikalyq qazaqtar negizinen, Almaty (27,9 paiyz), Mańǵystaý (13,9 paiyz), Túrkistan (6,8 paiyz) jáne Jambyl (5 paiyz) oblystaryna, sondai-aq Almaty (9,0 paiyz), Astana (11 paiyz) jáne Shymkent (6,5 paiyz) qalalaryna qonystanǵan.

Sondai-aq, 1 sáýirdegi jaǵdai boiynsha, eńbekke qabiletti jastaǵy etnikalyq qonys aýdarýshylar sany - 69,1 paiyz, eńbekke qabiletti jastan kishi - 22,3 paiyz jáne zeinetkerler - 8,6 paiyz. Eńbekke qabiletti jastaǵy qandastardyń ishinde bilim deńgeii boiynsha, 18,5 paiyzy joǵary bilimdi, 39,9 paiyzy orta kásibi bilimdi, 36,7 paiyzy jalpy orta bilimdi jáne 4,8 paiyzynyń bilimi joq.