QR Ulttyq ekonomika ministri Áset Erǵaliev biylǵy 10 aidaǵy elimizdiń ekonomikalyq damýyn baiandady, dep habarlaidy QazAqparat.
«Biylǵy qańtar-qazan ailarynda Qazaqstan ekonomikasynyń ósý kórsetkishi 3,5%-dy qurady. Osy kezeńde negizgi trendter boiynsha qyzmet kórsetý sektoryndaǵy ósý qarqynynyń jedeldeýi, óńdeý ónerkásibi men qurylys salalarynyń ekonomikanyń ósýi men turaqtylyǵynyń draiverleri bolyp qala berýi, eksporttyń joǵary ósim dinamikasy, óndirýshi emes sektorlardaǵy joǵary investitsiialyq belsendiliktiń saqtalýy baiqaldy», - dedi ministr Úkimettiń búgingi otyrysynda.
Onyń aitýynsha, biylǵy qańtar-qazanynda naqty sektordaǵy ósim 2,9% qurady. Al qyzmet kórsetý salasyndaǵy iskerlik belsendilik 3,4%-ǵa deiin ósti.
«Salalar arasynda aqparat jáne bailanys, saýda, sýmen jabdyqtaý, qurylys, elektrmen jabdyqtaý, óńdeý ónerkásibi joǵary ósim kórsetýde», - deidi Á. Erǵaliev.
