Jyl basynan beri 15 myń etnikalyq qazaq qandas mártebesin aldy, - dep habarlaidy "Ult aqparat" Eńbek jáne halyqty áleýmettik qorǵaý ministrligine silteme jasap.
"1 qarashadaǵy jaǵdai boiynsha 15 637 etnikalyq qazaq tarihi Otanymen tabysyp, qandas mártebesin aldy. Jalpy, 1991 jyldan beri respýblikaǵa 1 million 103,5 myń etnikalyq qazaq oraldy", - delingen habarlamada.
Jyl basynan Qazaqstanǵa kelgen qandastardyń jartysynan kóbi (65,2 paiyz) Ózbekstannan, 9,2 paiyz - Qytaidan, 8,8 paiyz - Reseiden, 8 paiyz - Túrikmenstannan, 4,8 paiyz - Mońǵoliiadan jáne 4 paiyz basqa elderden.
Kelgen etnikalyq qazaqtar negizinen Almaty (28,1 paiyz), Mańǵystaý (16,3 paiyz), Túrkistan (8,7 paiyz) jáne Jambyl (6,1 paiyz) oblystaryna, sondai-aq Astana (9 paiyz), Shymkent (6,9 paiyz) jáne Almaty (5,5 paiyz) qalalaryna qonystanǵan.
"Biylǵy 1 qarashadaǵy jaǵdai boiynsha eńbekke qabiletti jastaǵy etnikalyq qonys aýdarýshylar sany 59,6 paiyzdy, eńbekke qabiletti jastan kishi 26,7 paiyzdy jáne zeinetkerler 13,7 paiyzdy quraidy.
Eńbekke qabiletti jastaǵy qandastardyń ishinen bilim deńgeii boiynsha 16 paiyzy joǵary bilimdi, 39 paiyzy orta kásibi bilimdi, 43,1 paiyzy jalpy orta bilimdi jáne 1,9 paiyzynyń bilimi joq", - delingen habarlamada.
