Jyl basynan beri balasyn qaraýsyz qaldyrý boiynsha ata-analardyń ústinen 41 ákimshilik is qozǵalǵan, habarlaidy QazAqparat.
Bul týraly Azamattyq qorǵanys jáne áskeri bólimder komitetiniń tóraǵasy Baýyrjan Syzdyqov ortalyq kommýnikatsiialar qyzmetinde ótken brifingide aitty.
«Politsiia ókilderimen birge patrýl, reid jasaǵan kezde qaraýsyz qalǵan balalardy tapsaq nemese sýǵa batyp bara jatqan balalar qutqarǵan jaǵdaida olardyń ata-analaryna mindetti túrde ákimshilik is qozǵalady. 2231 adam shomylý kezinde zań búzǵan bolsa, sonyń ishinde 41 adamǵa balalarǵa jaýapsyz qaraǵany úshin ákimshilik is qozǵalyp otyr», - dedi TJM ókili.
BAQ ókiliniń saýalyna jaýap bere otyryp, Baýyrjan Syzdyqov jaýapsyz ata-analarǵa damyǵan elderde qoldanylatyn sharalarǵa toqtaldy.
«Dúniejúzindegi tájiribege qarasaq, búgingi tańda Germaniiada, Ulybritaniiada, AQSh-ta balasyn qaraýsyz qaldyrǵany úshin ata-anasynyń ústinen qylmystyq is qozǵalady. Másele ata-anaǵa qoldanatyn sharada emes. Aiyppul salyp, qylmystyq is qozǵaý balanyń ómirine tóngen qaýiptiń qasynda eshteńe emes. Sondyqtan ata-analarǵa balasynyń qaýipsizdigi úshin tótenshe jaǵdai qyzmetiniń ókilderimen birlesip áreket etýge, jas býyndy qaýip-qaterden birge qorǵaýǵa shaqyramyn», - dedi komitet tóraǵasy.
