جىل باسىنان بەرٸ بالاسىن قاراۋسىز قالدىرۋ بويىنشا اتا-انالاردىڭ ٷستٸنەن 41 ەكٸمشٸلٸك ٸس قوزعالعان, حابارلايدى قازاقپارات.
بۇل تۋرالى ازاماتتىق قورعانىس جەنە ەسكەري بٶلٸمدەر كوميتەتٸنٸڭ تٶراعاسى باۋىرجان سىزدىقوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە ايتتى.
«پوليتسييا ٶكٸلدەرٸمەن بٸرگە پاترۋل, رەيد جاساعان كەزدە قاراۋسىز قالعان بالالاردى تاپساق نەمەسە سۋعا باتىپ بارا جاتقان بالالار قۇتقارعان جاعدايدا ولاردىڭ اتا-انالارىنا مٸندەتتٸ تٷردە ەكٸمشٸلٸك ٸس قوزعالادى. 2231 ادام شومىلۋ كەزٸندە زاڭ بٷزعان بولسا, سونىڭ ٸشٸندە 41 ادامعا بالالارعا جاۋاپسىز قاراعانى ٷشٸن ەكٸمشٸلٸك ٸس قوزعالىپ وتىر», - دەدٸ تجم ٶكٸلٸ.
باق ٶكٸلٸنٸڭ ساۋالىنا جاۋاپ بەرە وتىرىپ, باۋىرجان سىزدىقوۆ جاۋاپسىز اتا-انالارعا دامىعان ەلدەردە قولدانىلاتىن شارالارعا توقتالدى.
«دٷنيەجٷزٸندەگٸ تەجٸريبەگە قاراساق, بٷگٸنگٸ تاڭدا گەرمانييادا, ۇلىبريتانييادا, اقش-تا بالاسىن قاراۋسىز قالدىرعانى ٷشٸن اتا-اناسىنىڭ ٷستٸنەن قىلمىستىق ٸس قوزعالادى. مەسەلە اتا-اناعا قولداناتىن شارادا ەمەس. ايىپپۇل سالىپ, قىلمىستىق ٸس قوزعاۋ بالانىڭ ٶمٸرٸنە تٶنگەن قاۋٸپتٸڭ قاسىندا ەشتەڭە ەمەس. سوندىقتان اتا-انالارعا بالاسىنىڭ قاۋٸپسٸزدٸگٸ ٷشٸن تٶتەنشە جاعداي قىزمەتٸنٸڭ ٶكٸلدەرٸمەن بٸرلەسٸپ ەرەكەت ەتۋگە, جاس بۋىندى قاۋٸپ-قاتەردەن بٸرگە قورعاۋعا شاقىرامىن», - دەدٸ كوميتەت تٶراعاسى.
