Foto: Almaty ákimdigi
1 qańtar men 31 shilde aralyǵynda Almatydaǵy aqparattyq ortalyqtar 8 339 týristke keńes bergen. Bul kórsetkish sheteldik meimandardyń qalaǵa degen qyzyǵýshylyǵyn jáne Almatynyń qonaqtar arasynda tanymal ekenin aiǵaqtaidy, dep habarlaidy Ult.kz.
Biylǵy jeti aida 8 339 týrist Almatydan mádeni nysandar, ekskýrsiialar jáne qalalyq infraqurylym týraly aqparat izdegen.
Almaty qalasynda toǵyz týristik aqparattyq ortalyq jumys isteidi. Olar halyqaralyq áýejaidan bastap, tanymal týristik aimaqtarǵa deiingi oryndarda ornalasqan.
Týristerdiń vizit-ortalyqtarǵa kelý úlesi:
- • 40,1% – Almaty halyqaralyq áýejaiy
• 19% – Medeý
• 9% – Kóktóbe
• 8,7% – Zenkov kóshesindegi ortalyq
• 5,6% – Ospanov kóshesindegi ortalyq
• 4,9% – Panfilov kóshesindegi ortalyq
• 3,7% – «Atakent» KQKO
• 2,1% – Abai jáne Baitursynov kósheleriniń qiylysynda
Árbir vizit-ortalyq týristerge jaily saiahat úshin qajetti málimetter usynady. Atap aitqanda, qala kartalaryn, baǵyttar boiynsha usynystar, mádeni is-sharalar men jergilikti kórikti oryndar týraly aqparat, sondai-aq úsh tilde keńes qyzmetin usynady.
Vizit-ortalyqtar týristerdiń saparynda mańyzdy ról atqarady. Ortalyqtar saiahatshylarǵa der kezinde naqty aqparat berip, internetten izdeýge jumsaityn ýaqytyn únemdep, qalada baǵdar tabýda týyndaityn qiyndyqtardyń aldyn alady. Bul óz betinshe nemese shaǵyn toppen saiahattaityndar úshin, sondai-aq qalaǵa alǵash kelgen qonaqtar úshin asa mańyzdy.
Jyl basynan beri Almatyǵa týristerden zor qyzyǵýshylyq baiqalyp otyr.
Vizit-ortalyqtar týristik aǵyndy tiimdi uiymdastyryp, qonaqtardyń suranysyn qanaǵattandyryp, qalanyń oń imidjin qalyptastyrýda basty ról atqaryp keledi.
Qazirgi tańda elimizde 28 vizit-ortalyq jumys isteidi, onyń 7-i ulttyq parkter aýmaǵynda ornalasqan.
